Local News

നാദാപുരം: കോഴിക്കോട് നാദാപുരത്ത് അഡീഷണൽ എസ്‌ഐ ഉൾപ്പെടെ മൂന്ന് പേർക്ക് തെരുവ് നായുടെ കടിയേറ്റു. പൊലീസ് സ്റ്റേഷൻ കോമ്പൗണ്ടിൽ ക‍യറിയ തെരുവുനായ പൊലീസുകാരെ ആക്രമിക്കുകയായിരുന്നു. നാദാപുരം സ്റ്റേഷനിലെ എഎസ്‌ഐയും കൊയിലാണ്ടി സ്വദേശിയുമായ മനോജ്, രണ്ട് ഇതര സംസ്ഥാന തൊഴിലാളികൾ എന്നിവർക്കാണ് നായയുടെ കടിയേറ്റത്. പൊലീസ് സ്‌റ്റേഷന് സമീപത്തെ ആയിഷ ക്വാർട്ടേഴ്‌സിൽ താമസിക്കുന്ന അതിഥി തൊഴിലാളികളായ അബ്ദുദുൽ ഹഖ്(56), അസ്മാമാഉൽ ഹഖ്(26) എന്നിവർക്ക് കടിയേറ്റത്. കഴിഞ്ഞ ദിവസം രാവിലെയായിരുന്നു സംഭവം. മൂന്നു പേരും ആശുപത്രിയിൽ ചികിത്സ തേടി.

തിരുവനന്തപുരം: ശാസ്തമംഗലത്തെ അക്ഷയ ടവേഴ്സ്, മൂന്നുനില കെട്ടിടത്തിൽ പ്രവർത്തിക്കുന്ന സ്വകാര്യ ധനകാര്യസ്ഥാപനത്തിൽ തീപിടിത്തം. കെട്ടിടത്തിൻറെ രണ്ടാംനിലയിലുള്ള കണ്ണാട്ട് ഫിൻഗോൾഡ് എന്ന സ്ഥാപനത്തിലാണ് തിങ്കളാഴ്ച പുലർച്ചെ തീപിടിത്തം ഉണ്ടായത്. പുക ഉയരുന്നത് കണ്ട സെക്യൂരിറ്റി ജീവനക്കാരാണ് പൊലീസിനെ വിവരം അറിയിച്ചത്. സ്ഥാപനത്തിലെ ഇൻവെർട്ടറിലുണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക വിവരം. സംഭവം ഉണ്ടായ ഉടൻ തന്നെ മൂന്ന് യൂണിറ്റ് ഫയർഫോഴ്സ് സംഘവും പൊലീസും സ്ഥലത്ത് എത്തി. തുടർ‌ന്ന് ഫയർഫോഴ്സിൻറെ മൂന്ന് മണിക്കൂർ നീണ്ട പരിശ്രമത്തിനൊടുവിൽ തീ നിയന്ത്രണവിധേയമാക്കി.

പാലക്കാട്: വിഷം ഉള്ളിൽച്ചെന്ന യുവാവുമായി ആശുപത്രിയിലേക്ക് പോയ ആംബുലൻസ് മറിഞ്ഞ് യുവാവിൻറെ അമ്മ മരിച്ചു. നല്ലേപ്പിള്ളി നരിച്ചിറ തെക്കേദേശത്ത് ജോറാമ്മയാണ്(53) മരിച്ചത്. വെള്ളിയാഴ്ച വൈകീട്ട് 4.50 ഓടെയാണ് സംഭവം. കാടാങ്കോട് ജങ്ഷനുസമീപം എതിരെ വന്ന ബൈക്കിൽ ഇടിക്കാതിരിക്കാൻ ശ്രമിക്കുന്നതിനിടെയാണ് ആംബുലൻസ് മറിഞ്ഞത്. നല്ലേപ്പിള്ളി സ്വദേശി മഫ്ലുവിനെയാണ്(25) വിഷം ഉള്ളിൽച്ചെന്നനിലയിൽ ആംബുലൻസിൽ കൊണ്ടുവന്നത്. ചിറ്റൂർ താലൂക്ക് ആശുപത്രിയിൽ പ്രവേശിപ്പിച്ച മഫ്ലുവിനെ വിദഗ്ധ ചികിത്സയ്ക്കായി ജില്ലാ ആശുപത്രിയിലേക്ക് ആംബുലൻസിൽ കൊണ്ടുപോവുകയായിരുന്നു. അതിനിടെയാണ് അപകടമുണ്ടായത്. മഫ്ലുവിനും ജോറാമ്മയ്ക്കുമൊപ്പം ജോറാമ്മയുടെ മകളുടെ ഭർത്താവ് …

പാലക്കാട് വിഷം ഉള്ളിൽച്ചെന്ന യുവാവുമായി സഞ്ചരിച്ച ആംബുലൻസ് മറിഞ്ഞ് അമ്മ മരിച്ചു Read More »

മലപ്പുറം: കോഴിക്കോട് മലപ്പുറം റോഡിൽ മൊറയൂരിൽ ഉണ്ടായ വാഹനാപകടത്തിൽ മൂന്ന് മരണം. സ്വകാര്യ ബസും കാറും കൂട്ടിയിടിച്ചാണ് അപകടം സംഭവിച്ചത്. വ്യാഴാഴ്ച രാവിലെ ആയിരുന്നു അപകടം. ഇടിയുടെ ആഘാതത്തിൽ തകർന്ന കാറിനുള്ളിൽ കുടുങ്ങിയ പോയവരേ നാട്ടുകാരും പൊലീസും ചേർന്നാണ് പുറത്തെടുത്തത്. ഗുരുതരമായി പരുക്കേറ്റ ഇവരേ ഉടൻ തന്നെ കൊണ്ടോട്ടിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളെജ് ആശുപത്രിയിലും എത്തിച്ചെങ്കിൽ ജീവൻ രക്ഷിക്കാനായില്ല.

പാല: വീട്ടുകാർക്ക് ആത്മഹത്യാ സന്ദേശം അയച്ച് പാലത്തിൽ തൂങ്ങിമരിക്കാൻ ശ്രമിച്ച ഓട്ടോറിക്ഷ ഡ്രൈവർ കയർ പൊട്ടി ആറ്റിൽ വീണു മരിച്ചു. പാലാ മുരിക്കുമ്പുഴ വെട്ടത്തോട്ടത്തിൽ വി എസ് അനിൽകുമാറാണ്(ശ്രീകുമാർ – 60) മരിച്ചത്. ബുധൻ പുലർച്ചെ നാലരയോടെ പാലാ വലിയ പാലത്തിലാണ് സംഭവം. പാലത്തിന്റെ കൈ വരിയിൽ കെട്ടിയ കയർ പൊട്ടിയ നിലയിൽ കണ്ടെത്തി. തൂങ്ങി മരിക്കാൻ ശ്രമിക്കുന്നതിനിടെ കഴുത്തിൽ ചുറ്റിയ കയർ പൊട്ടി ആറ്റിൽ വീഴുകയായിരുന്നു എന്നാണ് നിഗമനം. ചൊവ്വാഴ്ച മകൻ്റെ കുട്ടിയുടെ ജന്മദിനാഘോഷം കഴിഞ്ഞ് …

പാലത്തിൽ കയറി തൂങ്ങി മരിക്കാൻ ശ്രമിച്ച ഓട്ടോറിക്ഷ ഡ്രൈവർ കയർ പൊട്ടി ആറ്റിൽ വീണു മരിച്ചു Read More »

അങ്കമാലി: ബികോം വിദ്യാർത്ഥിനി ജാസ്‌ലിയ ജോൺസൻ വാഹനാപകടത്തിൽ മരിച്ച സംഭവത്തിൽ അന്വേഷണം ഊർജ്ജിതമാക്കി പൊലീസ്. കാറോടിച്ച ഡോക്റ്റർ സിറിയക് പി. ജോർജിനായി ലുക്ക് ഔട്ട് നോട്ടീസ് പുറത്തിറക്കാനാണ് പൊലീസ് നീക്കം. ബുധനാഴ്ച പ്രതിയുടെ അതിരംപുഴയിലെ വീട്ടിൽ പൊലീസ് പരിശോധന നടത്തിയിരുന്നു. പ്രതി ഒളിവിലാണെന്നാണ് പൊലീസ് പറയുന്നത്. എന്നാൽ പൊലീസിൻറെ അനാസ്ഥയാണ് പ്രതിയെ പിടികൂടാനാവാത്തതിന് കാരണമെന്നാണ് വിമർശനം ഉയരുന്നത്. അപകടം നടന്ന് 5 ദിവസത്തോളം കഴിഞ്ഞിട്ടും പ്രതിയെ പിടികൂടാനാവാത്തതിൽ പ്രതിഷേധം കനക്കുകയാണ്. ഫെബ്രുവരി 28 നാണ് അപകടം നടക്കുന്നത്. …

അമിത വേഗതയിലെത്തിയ കാറിടിച്ച് വിദ്യാർ‌ത്ഥിനി മരിച്ച സംഭവത്തിൽ യുവ ഡോക്റ്റർ‌ക്കായി ലുക്ക് ഔട്ട് നോട്ടീസ് Read More »

തിരുവനന്തപുരം: നഗരൂരിൽ പുരയിടത്തിൽ അച്ഛനും മകനും മരിച്ച നിലയിൽ. അനധികൃത വൈദ്യുതി വേലിയിൽ നിന്ന് ഷോക്കേറ്റ് ചെങ്കിക്കുന്ന് സ്വദേശികളായ കൊച്ചുണ്ണി (60) മകൻ അകിൽ (35) എന്നിവരാണ് മരിച്ചത്. സംഭവത്തിൽ പുരയിടത്തിൽ അനധികൃതമായി വൈദ്യുതി വേലി സ്ഥിപിച്ച സ്ഥലം ഉടമക്കെതിരേ കെസെടുത്തു. രാത്രിയിലാണ് ഇരുവർക്കും ഷോക്കേറ്റതെന്നാണ് പ്രാഥമിക നിഗമനം. കപ്പ കൃഷി ചെയ്യുന്നിടത്ത് കാട്ടുപന്നിയുടെ ശല്യം രൂക്ഷമാണ്. അതിനെ തുരത്താനായാണ് അനധികൃത വൈദ്യുതി വേലിയിൽ നിന്നാണ് ഇരുവർക്കും ഷോക്കേറ്റത്.

കോഴിക്കോട്: നാദാപുരത്ത് തെരുവ് നായയുടെ ആക്രമണത്തിൽ 2 പേർക്ക് കൂടി പരുക്കേറ്റു. ലോട്ടറി തൊഴിലാളിയായ സുരേഷിനും വീട്ടമ്മയായ സരസുവിനെയുമാണ് നായ കടിച്ചത്. ഇരുവർക്കും കാലിനാണ് പരുക്ക്. നാദാപുരം ചാലപ്പുറത്ത് വച്ചാണ് സുരേഷിന് കടിയേറ്റത്. രണ്ട് പേരും ഗവ. താലൂക്ക് ആശുപത്രിയിൽ ചികിത്സ തേടിയിട്ടുണ്ട്. കഴിഞ്ഞ ദിവസം ഇതേ പ്രദേശത്ത് തെരുവുനായയുടെ കടിയേറ്റ് മൂന്നു പേർക്ക് പരുക്കേറ്റിരുന്നു. കഴിഞ്ഞ ഏതാനും മാസങ്ങളായി നാദാപുരത്തും പരിസര പ്രദേശങ്ങളിലും തെരുവ് നായയുടെ ആക്രമണം രൂക്ഷമാണെന്ന് നാട്ടുകാർ പറയുന്നു.

ചെന്നൈ: മുതിർന്ന കമ്മ‍്യൂണിസ്റ്റ് നേതാവും സ്വാതന്ത്ര‍്യസമരസേനാനിയുമായ ആർ. നല്ലകണ്ണിന് വിട. 101 വയസായിരുന്നു. ചെന്നൈയിലെ രാജീവ് ഗാന്ധി സർക്കാർ ആശുപത്രിയിൽ വച്ചായിരുന്നു അന്ത‍്യം. വാർധക‍്യസഹജമായ അസുഖങ്ങളെ തുടർന്ന് അദ്ദേഹത്തെ ഫെബ്രുവരി ഒന്നിനാണ് ആശുപത്രിയിൽ‌ പ്രവേശിപ്പിച്ചിരുന്നത്. 1992 മുതൽ 2007 വരെ സിപിഎം തമിഴ്നാട് സംസ്ഥാന സെക്രട്ടറിയായിരുന്നു നല്ലകണ്ണ്. കമ്മ‍്യൂണിസ്റ്റ് പാർട്ടി ദേശീയ എക്സിക‍്യൂട്ടിവ് അംഗമായും ജനകീയ പ്രക്ഷോഭങ്ങളിൽ പങ്കെടുത്ത് ജയിൽവാസവും അനുഭവിച്ചിട്ടുണ്ട്.

മുവാറ്റുപുഴ: ലൂർദ്ദ്‌മാതാ ഭവനാംഗമായ സിസ്റ്റർ ഗീ(91) നിര്യാതയായി. സംസ്ക്കാര ശുശ്രൂഷകൾ ബുധനാഴ്‌ച(25/02/2026) ഉച്ചക്ക് രണ്ടിന് വിശുദ്ധ കുർബാനയോടുകൂടി വാഴപ്പിള്ളി ഈസ്റ്റ്(നിരപ്പ്) ഫ്രാൻസിസ്ക്കൻ ക്ലാര മഠം വക സെമിത്തേരിയിൽ. പരേത വണ്ടമറ്റം ഇടവക വാണിയകിഴക്കേൽ പരേതരായ ജോസഫ് – ഫിലോമിന ദമ്പതികളുടെ മകളാണ്. സഹോദരങ്ങൾ: ഏലിക്കുട്ടി, ആലപ്പാട്ട്(അരിക്കുഴ), ഇത്തമ്മ ജോസഫ്, വിലായിൽ(കോതമംഗലം), ലില്ലി, കുറ്റിയനാൽ(ചാലശ്ശേരി), ഗ്രേസി, വെളിത്തേടത്തുപറമ്പിൽ(ഏഴല്ലൂർ), പരേതരായ ജോസ് ജോസഫ്, വാണിയകിഴക്കേൽ(ഏഴുമുട്ടം), മറിയക്കുട്ടി, കൊട്ടൂർ(കോടിക്കുളം). പരേത നെയ്യശ്ശേരി, തൊടുപുഴ, ഏഴല്ലൂർ, പൈങ്ങോട്ടൂർ, കല്ലൂർക്കാട്, ജോസ് ഗിരി, തൊമ്മൻകുത്ത്, …

ലൂർദ്ദ്‌മാതാ ഭവനാംഗമായ സിസ്റ്റർ ഗീ നിര്യാതയായി Read More »

കോഴിക്കോട്: ബീച്ചിന് സമീപം വലിയങ്ങാടിയിൽ കെട്ടിടത്തിൻറെ സൺഷെയ്ഡ് സ്ലാബ് തകർന്നു വീണ് മൂന്ന് തൊഴിലാളികൾ മരിച്ചു. 3 തൊഴിലാളികൾക്ക് പരുക്കേറ്റു. ഫയർ ഫോഴ്സ് എത്തിയാണ് സ്ലാബിനടിയിൽ കുടുങ്ങിയവരെ പുറത്തെടുത്തത്. രാവിലെ ലോഡ് ഇറക്കിയ ശേഷം വിശ്രമിക്കുകയായിരുന്ന തൊഴിലാളികൾക്ക് മുകളിലേക്കാണ് സ്ലാബ് തകർന്നു വീണത്. വലിയങ്ങാടിയിലെ തൊഴിലാളികളാണ് സ്ലാബിനടിയിൽ കുടുങ്ങിയവരെ 4 പേരെ പുറത്തെടുത്ത് കാറിൽ ആശുപത്രിയിലേക്ക് മാറ്റിയത്. പിന്നീട് ഫയർഫോഴ്സെത്തി മറ്റ് 2 പേരെ പുറത്തെത്തിച്ച് ആംബുലൻസിൽ ആശുപത്രിയിലേക്ക് മാറ്റുകയായിരുന്നു.