Kerala news

തിരുവനന്തപുരം: വിമാനത്താവളത്തിൽ ഹൈമാസ്റ്റ് ലൈറ്റ് പൊട്ടി വീണ് തൊഴിലാളിക്ക് ദാരുണാന്ത്യം. പേട്ട സ്വദേശി അനിൽ കുമാറാണ് മരിച്ചത്. അപകടത്തിൽ മൂന്ന് തൊഴിലാളികൾക്ക് പരിക്കേറ്റു. അറ്റക്കുറ്റ പണി നടക്കുന്നതിനിടെയാണ് അപകടം ഉണ്ടായത്.

പത്തനംത്തിട്ട: ഇലവുങ്കലിൽ ശബരിമല തീർഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞു. തമിഴിനാട്ടിലെ തഞ്ചാവൂരിൽ നിന്നുള്ള തീർഥാടകർ സഞ്ചരിച്ച ബസാണ് അപകടത്തിൽപ്പെട്ടത്. ഡ്രൈവറുടെ പരിക്ക് ഗുരുതരം. ഇലവുങ്കൽ-എരുമേനി റോഡിലാണ് അപകടം നടന്നത്. ശബരിമല ദർശനത്തിനു ശേഷം മടങ്ങുമ്പോഴാണ് ബസ് അപകടത്തിൽപ്പെട്ടത്. ഏഴ് കുട്ടികളടക്കം അറുപതോളം ആളുകളാണ് ബസിൽ ഉണ്ടായിരുന്നത്. ബസിന്‍റെ ഒരു ഭാഗം പൊളിച്ചാണ് ആളുകളെ പുറത്തെത്തിച്ചത്. പരിക്കേറ്റവരെ പത്തനംത്തിട്ട ജനറൽ ആശുപത്രിയിൽ പ്രവേശിപ്പിച്ചു. രക്ഷാപ്രവർത്തനം തുടരുകയാണ്.

തൃശൂർ: അന്തരിച്ച നടനും മുൻ എം.പിയുമായ ഇന്നസെന്റിന് നാടിന്റെ യാത്രാമൊഴി. ചിരിപ്പിച്ചു ചിരിപ്പിച്ചു നടന്നു മറഞ്ഞ ഇരിഞ്ഞാലക്കുടയുടെ സ്വന്തം നടന് വീട്ടുകാരും നാട്ടുകാരും കണ്ണീരോടെയാണ് യാത്രയാക്കിയത്. വീട്ടിലെ പ്രത്യേക പ്രാർത്ഥനകൾക്ക് ശേഷം വിലാപയാത്രയായാണ് മൃതദേഹം പള്ളിയിലേക്ക് കൊണ്ടുപോയത്. പൊലീസ് ഗാർഡ്ഓഫ് ഓണർ നൽകി. തുടർന്ന് രാവിലെ പത്തിന്‌ ഇരിങ്ങാലക്കുട സെന്റ്‌ തോമസ്‌ കത്തീഡ്രൽ സെമിത്തേരിയിൽ ഔദ്യോഗിക ബഹുമതിയോടെ സംസ്കാരം നടത്തി. ഞായറാഴ്‌‌ച രാത്രി പത്തരയോടെ കൊച്ചി ലേക് ഷോർ ആശുപത്രിയിലായിരുന്നു അന്ത്യം. ഇന്നസെന്റിനെ അവസാനമായി കാണാനും അന്ത്യാഞ്ജലിയേകാനും …

ഔദ്യോഗിക ബഹുമതിയോടെ ഇന്നസെന്റിന്റെ സംസ്കാര ചടങ്ങുകൾ നടത്തി Read More »

കോഴിക്കോട്: സോണ്ട ഇൻഫ്രടെക്കിൽ നിന്ന് പിഴ ഈടാക്കാനൊരുങ്ങി കോഴിക്കോട് കോർപ്പറേഷൻ. ഞെളിയൻപറമ്പിലെ മാലിന്യം നീക്കൽ കരാർ കമ്പനിയാണ് സോണ്ട ഇൻഫ്രടെക്ക്. വ്യവസ്ഥയിൽ പറഞ്ഞ കാലാവധി കഴിഞ്ഞിട്ടും മാലിന്യം നീക്കാത്തതിനെത്തുടർന്നാണ് പിഴ ചുമത്തുന്നതെന്ന് കോഴിക്കോട് മേയർ ബീന ഫിലിപ്പ് പറഞ്ഞു. പിഴയടച്ചാൽ മാത്രമേ ഇനി കരാർ നീട്ടണോ വേണ്ടയോ എന്ന് ആലോചിക്കുകയുള്ളൂ. എട്ട് കോടിയോളം രൂപ ചെലവിൽ ഞെളിയൻപറമ്പിലെ മാലിന്യം ഒരു വർഷത്തിനുള്ളിൽ നീക്കാമെന്ന വ്യവസ്ഥയിലാണ് കമ്പനിക്ക് കരാർ നൽകിയത്. ഇതിനായി ഒന്നേകാൽ കോടി രൂപയോളം കോർപ്പറേഷൻ കമ്പനിക്ക് …

കാലാവധി കഴിഞ്ഞിട്ടും മാലിന്യം നീക്കിയില്ല; സോണ്ട ഇൻഫ്രടെക്കിന് പിഴ ചുമത്തി കോഴിക്കോട് കോർപ്പറേഷൻ Read More »

കോഴിക്കോട്: നാടകനടനും സംവിധായകനുമായ വിക്രമൻ നായർ അന്തരിച്ചു. എഴുപത്തിയേഴ് വയസായിരുന്നു. വാർധക്യ സഹജമായ അസുഖങ്ങളെ തുടർന്ന് ചികിത്സയിലിരിക്കെ കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. കോഴിക്കോടിന്‍റെ നാടകമുഖമായിരുന്നു വിക്രമൻ നായർ. നിരവധി നാടകങ്ങളിൽ അഭിനയിക്കുകയും സംവിധാനം നിർവഹിക്കുകയും ചെയ്തിട്ടുണ്ട്. കേരള സംഗീത നാടക അക്കാഡമിയുടേതടക്കം നിരവധി പുരസ്കാരങ്ങൾ ലഭിച്ചിട്ടുണ്ട്. കെ ടി മുഹമ്മദ്, തിക്കോടിയൻ തുടങ്ങിയവരോടൊപ്പം പ്രവർത്തിച്ചിട്ടുണ്ട്. സംഗമം, സ്റ്റേജ് ഇന്ത്യ തുടങ്ങിയ നാടകട്രൂപ്പുകളിൽ സഹകരിച്ചു. പാലേരി മാണിക്യം, വൈറസ് തുടങ്ങിയ സിനിമകളിലും അഭിനയിച്ചിട്ടുണ്ട്.

കൊച്ചി: ബ്രഹ്മപുരത്തെ തീപിടുത്തത്തിൽ അട്ടിമറിയില്ലെന്ന് പൊലീസ് അന്വേഷണ റിപ്പോർട്ട്. മാലിന്യക്കൂമ്പാരത്തിന്‍റെ അടിത്തട്ടിൽ ഉയർന്ന താപനില തുടരുകയാണ്. അതിനാൽ പ്ലാന്‍റിൽ ഇനിയും തീപിടിക്കാനുള്ള സാധ്യതയുണ്ടെന്നും റിപ്പോർട്ടിൽ പറയുന്നു. ഇന്നലെ വൈകിട്ടാണ് സിറ്റി പൊലീസ് കമ്മീഷണർ കെ.സേതുരാമൻ ഇ-മെയിൽ വഴി റിപ്പോർട്ട് ഡിജിപിക്ക് കൈമാറിയത്. അട്ടിമറി നടന്നിട്ടുണ്ടോ എന്നതുറപ്പിക്കാനുള്ള വിശദമായ അന്വേഷണം പുരോഗമിക്കുകയാണെന്നും റിപ്പോർട്ടിൽ സൂചിപ്പിച്ചിട്ടുണ്ട്. കത്തിയ മാലിന്യത്തിന്‍റെ സാമ്പിളിന്‍റെ ഫൊറൻസിക് റിപ്പോർട്ടും, തീപിടുത്തമുണ്ടായ സ്ഥലത്തിന്‍റെ ഉപഗ്രഹ ചിത്രങ്ങളും റിപ്പോർട്ടും കേസിൽ നിർണ്ണായകമാണ്. ഈ റിപ്പോർട്ടിന്‍റെ അടിസ്ഥാനത്തിലെ അന്തിമ തീരുമാനത്തിൽ …

ബ്രഹ്മപുരം തീപിടുത്തം; പ്ലാന്‍റിൽ ഇനിയും തീപിടിക്കാനുള്ള സാധ്യതയുണ്ടെന്ന് റിപ്പോർട്ട് Read More »

കൊച്ചി: ബ്രഹ്‌മപുരത്ത് ആരോഗ്യവകുപ്പ് സ്വീകരിച്ച നടപടികള്‍ തുടരുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. ബ്രഹ്‌മപുരത്തിന് അടുത്തുള്ള വടവുകോട് സാമൂഹികാരോഗ്യ കേന്ദ്രത്തില്‍ ഐ.പി സൗകര്യം തുടരും. കൂടാതെ സ്പെഷ്യാലിറ്റി സൗകര്യങ്ങള്‍ ആഴ്ചയില്‍ നിശ്ചിത ദിവസങ്ങളില്‍ ലഭ്യമാക്കും. പള്‍മനോളജിസ്റ്റ് ഉള്‍പ്പെടെയുള്ള വിദഗ്ധരുടെ സേവനങ്ങള്‍ കൃത്യമായ ദിവസങ്ങളില്‍ ഉണ്ടാകും. 24 മണിക്കൂര്‍ ആംബുലന്‍സ് സേവനം തുടരും. ആരോഗ്യ സര്‍വേ തുടരുകയാണ്. കുറച്ച് ഭാഗങ്ങളില്‍കൂടി അവശേഷിക്കുന്നു. സര്‍വേ പൂര്‍ത്തിയാക്കി കൃത്യമായ വിശകലനം നടത്തും. തീപിടിത്തവുമായി ബന്ധപ്പെട്ട ആരോഗ്യപ്രശ്നങ്ങള്‍ വിലയിരുത്തുന്നതിനുള്ള സംസ്ഥാനതല വിദഗ്ധ …

ബ്രഹ്‌മപുരം തീപിടിത്തം; ഐ.പി സൗകര്യം തുടരും, ആരോഗ്യ സര്‍വേ പൂര്‍ത്തിയാക്കി കൃത്യമായ വിശകലനം നടത്തുമെന്ന് മന്ത്രി വീണാ ജോര്‍ജ് Read More »

കൊച്ചി: വർധിച്ച പി.എഫ്‌ പെൻഷനുവേണ്ടി എംപ്ലോയീസ് പ്രൊവിഡന്റ് ഫണ്ട് (ഇ.പി.എഫ്ഒ) അംഗങ്ങൾ നെട്ടോട്ടമോടുന്നതിനിടയിൽ വിവാദ അദാനി ഓഹരികളിലേക്ക്‌ തൊഴിലാളികളുടെ പി.എഫ്‌ നിക്ഷേപം ഒഴുകുന്നു. ഹിൻഡൻബർഗ് റിപ്പോർട്ടിലുടെ അദാനി ഗ്രൂപ്പ് ഓഹരികളിലെ തട്ടിപ്പ്‌ പുറത്തുവന്ന ശേഷവും ഇവയിൽ ഇപിഎഫ്ഒ നിക്ഷേപം തുടരുന്നതായി ദി ഹിന്ദു റിപ്പോർട്ട് ചെയ്യുന്നു. അദാനി എന്റർപ്രൈസസ്, അദാനി പോർട്ട് എന്നീ ഓഹരികളിൽ ഇപിഎഫ്ഒ വലിയ നിക്ഷേപം നടത്തിയതായാണ്‌ ദി ഹിന്ദു റിപ്പോർട്ടിൽ പറയുന്നത്‌. നിഫ്‌റ്റി 50, സെൻസെക്‌സ്‌‌ എന്നീ ഓഹരി വിപണി സൂചികകളിൽ ട്രാക്ക് …

വിവാദ അദാനി ഓഹരികളിലേക്ക്‌ തൊഴിലാളികൾ പി.എഫ്‌ നിക്ഷേപിക്കുന്നു Read More »

മലയാള സിനിമാ കുടുംബത്തിൽ പകരം വെക്കാനില്ലാത്ത ഹാസ്യ പ്രതിഭയാണ് അരങ്ങൊഴിഞ്ഞിരിക്കുന്നത്. ഇന്നസെന്റെന്ന ആ മഹാ നടനെക്കുറിച്ചുള്ള ചില കാര്യങ്ങലിലൂടെ നടന്നടുക്കുകയാണ് നടനും സിനിമാ സംവിധായകനും പാട്ടുകാരനുമായ വിനീത് ശ്രീനിവാസൻ. വിനീതിന്‍റെ അനുസ്മരണ കുറിപ്പ്: ‘എന്തു പറയണം എന്നറിയില്ല. ഒരുപാട് ഓർമ്മകളുണ്ട്. കുട്ടിക്കാലം തൊട്ട് സ്ഥിരമായി കാണുന്ന, ഒരുപാടു കഥകൾ പറയുകയും ചിരിപ്പിക്കുകയും ചെയ്തിട്ടുള്ള മനുഷ്യനാണ്. അച്ഛന്‍റെയും അമ്മയുടെയും കല്യാണത്തിനു മുന്നേ, ആലീസാന്‍റിയുടെ വള വിറ്റ കാശു കയ്യിലേൽപ്പിച്ചാണ് അച്ഛനെ തലശ്ശേരിയിലേക്കു വണ്ടി കേറ്റി വിട്ടത്‌ എന്നു കേട്ടിട്ടുണ്ട്. …

മറുകരയിൽ ചിരിപ്പിക്കുകയും ചിന്തിപ്പിക്കുകയും ചെയ്ത ഒരുപാടു പേരുണ്ട്, നഷ്ടം നമുക്കു മാത്രമാണ്; വിനീത് ശ്രീനിവാസൻ Read More »

ആലപ്പുഴ: കാപികോ റിസോർട്ടുമായി ബന്ധപ്പെട്ട കേസ് ഇന്ന് സുപ്രീം കോടതി പരിഗണിക്കും. റിസോർട്ടു പൊളുച്ചുമാറ്റാനുള്ള കാലാവധി ഇന്ന് അവസാനിക്കുകയാണ്. 55 കെട്ടിടങ്ങളിൽ 54 ലും പൊളിച്ചുനീക്കി. പ്രധാന കെട്ടിടം ഭാഗികമായും പൊളിച്ചു കഴിഞ്ഞു. വലിയ കെട്ടിടമായതിനാൽ ഇതിന്‍റെ പൊളിക്കൽ തുടരുകയാണ്. പരിസ്ഥിതിക്ക് ദോഷം വരാത്ത രീതിയിലാണ് പൊളിക്കൽ തുടരുന്നത്. മുന്‍പ് ഈ മാസം 28 നകം റിസോർട്ട് മുഴുവനായി പൊളിച്ചു മാറ്റണമെന്നായിരുന്നു കോടതി ഉത്തരവിട്ടിരുന്നത്. കഴിഞ്ഞ സെപ്റ്റംബർ 15 ന് പൊളിക്കൽ നടപടികൾ തുടങ്ങിയെങ്കിലും ഇതുവരെ 54 …

കാപികോ റിസോർട്ടിന്റെ പ്രധാന കെട്ടിടം ഭാഗികമായി പൊളിച്ചു കഴിഞ്ഞു; കേസ് സുപ്രീം കോടതി ഇന്ന് പരിഗണിക്കും Read More »

കൊച്ചി: നെടുമ്പാശേരി വിമാനത്താവളത്തിൽ കോസ്റ്റുഗാർഡ് ഹെലികോപ്ടർ തകർന്നുവീണ സംഭവത്തിൽ വിവിധ ഏജന്‍സികളുടെ അന്വേഷണം ഇന്ന് ആരംഭിക്കും. തീരസംരക്ഷണ സേന ഉദ്യോഗസ്ഥർ ഇന്ന് സ്ഥലത്തെത്തി ഹെലികോപ്ടർ പരിശോധിക്കും. ഡയറക്‌ടർ ജനറൽ ഓഫ് സിവിൽ ഏവിയേഷനും സംഭവത്തിൽ റിപ്പോർട്ട് തേടിയിട്ടുണ്ട്. റൺവേയിൽ നിന്നും ഹെലികോപ്ടർ ഉയർന്ന ശേഷം വശങ്ങളിലേക്കുള്ള ബാലന്‍സ് തെറ്റിയതാണ് അപകടത്തിന് കാരണമായതെന്നാണ് നിലവിലെ വിലയിരുത്തൽ ഇന്നലെ ഉച്ചയ്ക്ക് 12.30 ഓടെയായിരുന്നു നെടുമ്പാശേരി വിമാനത്താവളത്തിൽ ഹെലികോപ്ടർ തകർന്നുവീഴുന്നത്. കോസ്റ്റ് ഗാർഡിന്‍റെ പരീശിലനപറക്കലിന് തയ്യാറെടുക്കുന്നതിനിടെയായിരുന്നു അപകടം. റൺവേയുടെ അഞ്ചു5 മീറ്റർ …

കോസ്റ്റുഗാർഡ് ഹെലികോപ്ടർ തകർന്നുവീണ സംഭവം; വിവിധ ഏജന്‍സികളുടെ അന്വേഷണം ഇന്ന് ആരംഭിക്കും Read More »

കൊച്ചി: സംസ്ഥാനത്ത് സ്വർണവിലയിൽ ഇടിവ്. ഇന്ന് (27/03/2023) പവന് 80 രൂപയാണ് കുറഞ്ഞത്. ഇതോടെ ഒരു പവന്‍ സ്വർണത്തിന്‍റെ വില 43,800 രൂപയായി. ഗ്രാമിന് 10 രൂപ കുറഞ്ഞ് 5,475 രൂപയായി. ശനിയാഴ്ച പവന് 120 രൂപയും ഗ്രാമിന് 15 രൂപയുമാണ് കുറഞ്ഞത്.

കൊച്ചി: ഇന്നലെ അന്തരിച്ച നടനും മുൻ എം.പിയുമായ ഇന്നസെന്‍റിന് വിട ചൊല്ലി നാട്. കൊച്ചി കടവന്ത്ര ഇൻഡോർ സ്റ്റേഡിയത്തിൽ പൊതുദർശനത്തിനു വച്ചിരിക്കുകയാണു ഇന്നസെന്‍റിന്‍റെ ഭൗതികദേഹം. പതിനൊന്നു മണിയോടെ സ്വദേശമായ ഇരിങ്ങാലക്കുടയിലേക്കു കൊണ്ടു പോകും. ഉച്ചയ്ക്ക് ഒന്നു മുതൽ 3.30 വരെ ഇരിങ്ങാലക്കുട മുൻസിപ്പൽ ടൗൺ ഹാളിൽ പൊതുദർശനമുണ്ടാകും. തുടർന്ന് സ്വവസതിയിലേക്കു കൊണ്ടുപോകും. കൊച്ചിയിൽ നിന്നും ഇരിങ്ങാലക്കുടയിലേക്കുള്ള യാത്രയിൽ പൊതുജനങ്ങൾക്ക് ആദരാഞ്ജലി അർപ്പിക്കാൻ സൗകര്യമുണ്ടാവും. ചൊവ്വാഴ്ച രാവിലെ 10-ന് ഇരിങ്ങാലക്കുട സെന്‍റ് തോമസ് കത്തീഡ്രലിലാണു സംസ്കാരച്ചടങ്ങുകൾ. ‘എന്താ പറയേണ്ടത് …

ഇന്നസെന്‍റിന്റെ വേർപാടിൽ മനംനൊന്ത് നാട്ടുകാരും സഹ പ്രവർത്തകരും Read More »

കുവൈത്ത് സിറ്റി: കുവൈത്തിൽ ബോട്ടപകടത്തിൽ രണ്ട് മലയാളികൾ മരിച്ചു. ചെറുവഞ്ചിയിൽ ഉല്ലാസയാത്ര നടത്തുന്നതിനിടെയിലാണ് അപകടമുണ്ടായത്. ലുലു എക്‌സ്‌‌ചേഞ്ച് ജിവനക്കാരായ കണ്ണൂർ പുതിയവീട് സുകേഷ് (44), പത്തനംതിട്ട മോഴശേരിയിൽ ജോസഫ് മത്തായി (ടിജോ 29) എന്നിവരാണ് മരിച്ചത്.സുകേഷ് ലുലു എക്‌സ്‌ചേഞ്ച് കോർപ്പറേറ്റ് മാനേജരും, ടിജോ അക്കൗണ്ട് അസി. മാനേജരുമായിരുന്നു. കുവൈറ്റിൽ ഖൈറാൻ റിസോർട്ട് മേഖലയിലാണ് അപകടം ഉണ്ടായത്. ഉടൻതന്നെ രക്ഷാപ്രവർത്തനം നടത്തിയിരുന്നെങ്കിലും മരണം സംഭവിക്കുകയായിരുന്നു