Kerala news

കൊച്ചി: ബജറ്റ് നിർദേശങ്ങൾക്കെതിരെ സംസ്ഥാന വ്യാപക പ്രതിഷേധവുമായി കോൺഗ്രസ്. ഇന്ധന സെസ് കുറയ്ക്കണമെന്നാവശ്യപ്പെട്ട് കോൺഗ്രസിന്‍റെ നേതൃത്വത്തിൽ സെക്രട്ടേറിയേറ്റിലേക്കും ജില്ലാകേന്ദ്രത്തിലേക്കും നടത്തിയ പ്രതിഷേധത്തിൽ സംഘർഷം. ബാരികേടുകൾ മറികടക്കാൻ ശ്രമിച്ച പ്രവർത്തകർക്കുനേരെ പൊലീസ് ജലപീരങ്കി പ്രയോഗിച്ചു. ‌ പ്രവർത്തകർ മുഖ്യമന്ത്രിയുടെയും മറ്റ് മന്ത്രിമാരുടെയും കോലം കത്തിക്കുക‍യും പലയിടങ്ങളിലും പൊലീസിനു നേരെ കല്ലെറിയുകയും ചെയ്തതായിരുന്നു സംഘർഷത്തിന് കാരണമായി.

ആലപ്പുഴ: ആർ.എസ്.എസിനെതിരെ ഗാന്ധി വധവുമായി ബന്ധപ്പെട്ട് അപകീർത്തികരമായ പ്രസ്താവന നടത്തിയെന്ന് ആരോപിച്ച് കോൺഗ്രസ് സി.പി.എം നേതാക്കൾക്കെതിരെ കേസുമായി ബി.ജെ.പി സംസ്ഥാന വക്താവ് ആർ സന്ദീപ് വാചസ്പതി. ആലപ്പുഴ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ കെ.പി.സി.സി പ്രസിഡന്റ് കെ സുധാകരൻ, ആലപ്പുഴ എം.എൽ.എയും സി.പി.എം നേതാവുമായ പി.പി ചിത്തരഞ്ജൻ എന്നിവർക്കെതിരെ കേസ് ഫയൽ ചെയ്തു. അടുത്ത മാസം മൂന്നിലേക്ക് പരാതിക്കാരന്റെ മൊഴി എടുക്കാനായി കേസ് മാറ്റി. ഫെയ്സ്ബുക്കിൽ ഗാന്ധിവധവുമായി ബന്ധപ്പെട്ട് ഇരുവരും ജനുവരി മുപ്പതിന് നടത്തിയ പരാമർശത്തിനെതിരെയാണ് …

ഗാന്ധി വധത്തിൽ ആർ.എസ്.എസിനെതിരെ പ്രസ്താവന; കെ സുധാകരനും പി.പി ചിത്തരഞ്ജനുമെതിരെ കേസ് Read More »

തിരുവനന്തപുരം: നിയമസഭയിൽ വെള്ളക്കരം കൂട്ടിയത് ആദ്യം പ്രഖ്യാപിക്കാത്തതിൽ ജലവിഭവ മന്ത്രി റോഷി അഗസ്റ്റിനെതിരെ സ്പീക്കറുടെ റൂളിംഗ്. സഭയോടുള്ള അനാദരവാണ് സഭ നടക്കുമ്പോൾ ആരുമറിയാതെ വെള്ളക്കരം കൂട്ടിയതെന്ന പ്രതിപക്ഷ പരാതിയിൽ റോഷിയെ സ്പീക്കർ വിമർശിക്കുകയായിരുന്നു. തികച്ചും ഭരണപരമായ നടപടിയാണ് വെള്ളക്കരം വർധിപ്പിക്കുന്നത്. എങ്കിലും സഭാ സമ്മേളനം നടന്നുകൊണ്ടിരിക്കുന്ന സാഹചര്യത്തിൽ, സംസ്ഥാനത്ത് എല്ലാ വിഭാഗം ജനത്തെയും ബാധിക്കുന്ന തീരുമാനമെന്ന നിലയിൽ, സഭയിൽ തന്നെ പ്രഖ്യാപിച്ചിരുന്നെങ്കിൽ അത് ഉത്തമമായൊരു മാതൃകയായേനെയെന്ന് സ്പീക്കർ എ.എൻ ഷംസീർ റൂളിങിൽ വ്യക്തമാക്കി.

തിരുവനന്തപുരം: പ്രത്യക്ഷമായി 3000 കോടിയുടെയും പരോക്ഷമായി 1000 കോടിയുമാണ് സർക്കാർ നികുതി ഏർപ്പെടുത്തിയതെന്നും കേരളത്തിന്റെ സാമ്പത്തിക അവസ്ഥ പാളം തെറ്റുകയാണെന്നും പ്രതിപക്ഷ നേതാവ് വിഡി സതീശൻ. വെളളത്തിന് 350% മാണ് കരം കൂട്ടിയത്. നിന്നാലും ഇരുന്നാലും കിഴക്കോട്ടും വടക്കോട്ടും നോക്കിയാൽ വൈകാതെ നികുതി കേരളത്തിൽ വരുമെന്നും അദ്ദേഹം പറഞ്ഞു. സർക്കാർ അങ്ങനെ ഗവേഷണം നടത്തുകയാണ്. രണ്ട് ശതമാനം മാത്രമാണ് കേരളത്തിൽ നികുതി പിരിവ്. 20,000 കോടി കുടിശിക പിരിക്കാനുണ്ട്. ഈ നികുതി പിരിക്കാൻ ധനമന്ത്രിക്ക് ചങ്കൂറ്റമുണ്ടോയെന്ന് ചോദിച്ച …

നിന്നാലും ഇരുന്നാലും കിഴക്കോട്ടും വടക്കോട്ടും നോക്കിയാൽ വൈകാതെ നികുതി കേരളത്തിൽ വരുമെന്ന് പ്രതിപക്ഷ നേതാവ് Read More »

തിരുവനന്തപുരം: യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസിന് ജാമ്യം. സെക്രട്ടേറിയേറ്റ് മർച്ചിലുണ്ടായ സംഘർഷത്തെ തുടർന്നാണ് പി.കെ ഫിറോസ് അറസ്റ്റിലാകുന്നത്. പൊതുമുതൽ നശിപ്പിച്ചതിന്‍റെ നഷ്ടപരിഹാരം കെട്ടിവച്ചതിനാൽ ജാമ്യം അനുവദിക്കുകയായിരുന്നു. തിരുവനന്തപുരം ജുഡീഷ്യൽ ഫസ്റ്റ് ക്ലാസ് കോടതിയാണ് ജാമ്യം നൽകിയത്. കേസിൽ നേരത്തെ 28 യൂത്ത് ലീഗ് പ്രവർത്തകർക്ക് പൊതുമുതൽ നശിപ്പിച്ചതിനുള്ള നഷ്ടപരിഹാരം കെട്ടിവെച്ചതിനെ തുടർന്ന് ജാമ്യം ലഭിച്ചിരുന്നു.

തിരുവനന്തപുരം: നിയമസഭ നിർത്തിവെച്ച് വെള്ളക്കരം വർധിപ്പിച്ച നടപടി ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം നോട്ടീസ് നൽകി. അഡ്വ എം വിൻസന്റ് എം.എൽ.എ അടിയന്തിര പ്രമേയ നോട്ടീസിൽ കുറ്റപ്പെടുത്തിയത് യൂണിറ്റിന് മൂന്നിരട്ടിയോളം രൂപ വർധിപ്പിച്ചുവെന്നാണ്. അതേസമയം റോഷി അഗസ്റ്റിൻ വാട്ടർ അതോറിറ്റിയുടെ നഷ്ടക്കണക്ക് നിരത്തി ഇതിനെ പ്രതിരോധിച്ചു. പ്രതിപക്ഷത്തിന്റെ അടിയന്തിര പ്രമേയ നോട്ടീസ് വാദപ്രതിവാദങ്ങൾക്കൊടുവിൽ തള്ളി. പ്രതിപക്ഷം ഇതിൽ പ്രതിഷേധിച്ച് സഭയിൽ നിന്ന് ഇറങ്ങിപ്പോവുകയും ചെയ്തു. റോഷി അഗസ്റ്റിൻ പറഞ്ഞത് നോട്ടീസ് വന്നത് നന്നായെന്നാണ്. വാട്ടർ അതോറിറ്റി 4912.42 …

വെള്ളക്കരം വർധിപ്പിച്ചത് സഭ നിർത്തിവെച്ച് ചർച്ച ചെയ്യണമെന്ന് പ്രതിപക്ഷം Read More »

കൊല്ലം: സംസ്ഥാന യുവജന കമ്മിഷൻ ചിന്ത ജെറോമിനെ ചൊല്ലി വീണ്ടും വിവാദം. 2 വർഷത്തോളം കൊല്ലം ജില്ലയിലെ തീരദേശ റിസോർട്ടിൽ കുടുബത്തോടൊപ്പം താമസിച്ചെന്നും, ഇതിനുള്ള സാമ്പത്തിക സ്രോതസ്സ് പരിശോധിക്കണമെന്നാവശ്യപ്പെട്ട് യൂത്ത് കോൺഗ്രസ് സംസ്ഥാന സെക്രട്ടറി വിഷ്ണു സുനിൽ പന്തളം വിജിലൻസിനു പരാതി നൽകി. പ്രതിദിനം 8,500 രൂപയാണ് അപ്പാർട്ട്മെൻറിൻറെ വാടക. ഇതനുസരിച്ച് വാടകയായി 38 ലക്ഷത്തോളം രൂപ റിസോർട്ടിൽ നൽകിയെന്ന് പരാതിയിൽ‌ ആരോപിക്കുന്നു. ഇത്രയും പണം എവിടെ നിന്ന് കിട്ടിയെന്ന് അന്വേഷിക്കണമെന്നും പരാതിയിൽ വിഷ്ണു ആവശ്യപ്പെടുന്നുണ്ട്. അതേസമയം …

ചിന്ത ജെറോമിനെ ചൊല്ലി വീണ്ടും വിവാദം Read More »

തി​രു​വ​ന​ന്ത​പു​രം: വെ​ള്ള​ക്ക​രം വ​ര്‍ധി​പ്പി​ച്ചാ​ലും ബി​.പി.​എ​ല്‍ കു​ടും​ബ​ങ്ങ​ള്‍ക്കു​ള്ള 15,000 ലി​റ്റ​ര്‍ കു​ടി​വെ​ള്ളം സൗ​ജ​ന്യ​മാ​യി ന​ല്‍കു​ന്ന​ത് തു​ട​രു​മെ​ന്ന് മ​ന്ത്രി റോ​ഷി അ​ഗ​സ്റ്റി​ന്‍. ജ​ന​ങ്ങ​ള്‍ക്ക് അ​ധി​ക ബാ​ധ്യ​ത വ​രാ​ത്ത രീ​തി​യി​ലാ​ണ് ലി​റ്റ​റി​ന് ഒ​രു പൈ​സ വ​ര്‍ധി​പ്പി​ക്കാ​നു​ള്ള തീ​രു​മാ​നം. സേ​വ​ന​ രം​ഗ​ത്ത് കൂ​ടു​ത​ല്‍ സൗ​ക​ര്യ​മൊ​രു​ക്കു​ക​യെ​ന്ന​താ​ണ് വെ​ള്ള​ക്ക​രം വ​ര്‍ധി​പ്പി​ക്കു​ന്ന​തി​ലൂ​ടെ ല​ക്ഷ്യ​മി​ടു​ന്ന​ത്. സാ​ധാ​ര​ണ കു​ടും​ബ​ത്തി​ന് ഒ​രു ദി​വ​സം 500 ലി​റ്റ​ര്‍ സൗ​ജ​ന്യ​മാ​യി ലഭിക്കും. പ്ര​തി​മാ​സം 15,000 ലി​റ്റ​റും. ഇ​ത് സൗ​ജ​ന്യ​മാ​യാ​ണ് ന​ല്‍കു​ന്ന​ത് എ​ന്ന​തി​നാ​ല്‍ വി​ല​വ​ര്‍ധ​ന അ​വ​രെ ബാ​ധി​ക്കി​ല്ല. ക​ണ​ക്കു​ക​ള്‍ കൊ​ണ്ട് പ്ര​തി​പ​ക്ഷം മാ​യാ​ജാ​ലം കാ​ണി​ക്ക​രു​ത്. ജ​ല …

ബി​.പി.​എ​ല്‍ കു​ടും​ബ​ങ്ങ​ള്‍ക്കു​ള്ള 15,000 ലി​റ്റ​ര്‍ കു​ടി​വെ​ള്ളം സൗ​ജ​ന്യ​മാ​യി ന​ല്‍കു​ന്ന​ത് തു​ട​രു​മെ​ന്ന് മ​ന്ത്രി Read More »

തിരുവനന്തപുരം: വെള്ളത്തിനും വില കൂട്ടി സർക്കാർ. സംസ്ഥാനത്ത് പുതുക്കിയ വെള്ളക്കരം ശനിയാഴ്ച മുതൽ നിലവിൽ വന്നു. വെള്ളിയാഴ്ചയാണ് ഉത്തരവ് ഇറങ്ങിയത്. ലിറ്ററിന് ഒരു പൈസയാണ് കൂട്ടിയിരിക്കുന്നത്. പുതുക്കിയ വെള്ളക്കരം അനുസരിച്ച് ഒരു കുടുംബത്തിന് ഇനി 200 രൂപ മുതൽ 400 രൂപ വരെ അധികം നൽകേണ്ടി വരും. എന്നാൽ ദാരിദ്ര്യരേഖയ്ക്ക് താഴെ വരുന്നവരെ ഈ നിരക്കിൽ നിന്നും ഒഴിവാക്കിയിട്ടുണ്ട്. ഒരു ലിറ്ററിന് 4.40 മുതൽ 12 രൂപ വരെയാണ് വിവിധ സ്ലാബുകളിലായി നിലവിൽ ഈടാക്കുന്നത്. പുതുക്കിയ നിരക്ക് …

പുതുക്കിയ വെള്ളക്കരം ശനിയാഴ്ച മുതൽ നിലവിൽ വന്നു Read More »

തിരുവനന്തപുരം: മുൻ മുഖ്യമന്ത്രി ഉമ്മൻചാണ്ടിക്ക് കൃത്യമായ ചികിത്സ നിഷേധിക്കപ്പെടുന്നുവെന്നും ഓരോ നിമിഷവും ആരോഗ്യനില വഷളാകുകയാണെന്നും ആരോപിച്ച് സഹോദരൻ ഉൾപ്പെടെ അടുത്ത ബന്ധുക്കൾ രംഗത്ത്‌. ഏറ്റവും മികച്ച ചികിത്സ ഉറപ്പാക്കാൻ അടിയന്തര ഇടപെടൽ ആവശ്യപ്പെട്ട് സഹോദരൻ ഉൾപ്പെടെ 42 അടുത്ത ബന്ധുക്കൾ മുഖ്യമന്ത്രി പിണറായി വിജയന് നിവേദനം നൽകി. ഉമ്മൻചാണ്ടിയെ സന്ദർശിക്കാൻ കുടുംബം സ്വന്തം സഹോദരങ്ങൾക്കും മറ്റ് അടുത്ത ബന്ധുക്കൾക്കും അനുമതി നിഷേധിച്ചതിനെ തുടർന്നാണ് മുഖ്യമന്ത്രിയെ സമീപിക്കാൻ ബന്ധുക്കൾ നിർബന്ധിതരായത്. ഉമ്മൻചാണ്ടിക്ക് അടിയന്തര വൈദ്യസഹായം ആവശ്യമാണെന്നും ഓരോ നിമിഷവും …

ഉമ്മൻചാണ്ടിയുടെ ആരോഗ്യനില വഷളാകുകയാണെന്ന് ആരോപിച്ച് സഹോദരൻ രംഗത്ത്‌ Read More »

പാലക്കാട്‌: എൽ.ഡി.എഫിനെതിരെ മുതലമട പഞ്ചായത്തിൽ കോൺഗ്രസ്‌ ബി.ജെ.പി സഖ്യം. സ്വതന്ത്ര അംഗങ്ങളായ കൽപനാദേവി, സാജുദ്ദീൻ തുടങ്ങിയവർ ഭരണ സമിതിക്കെതിരെ കൊണ്ടുവന്ന അവിശ്വാസം പാസായി. പതിനൊന്ന് അംഗങ്ങളുടെ പിന്തുണയോടെയാണ് അവിശ്വാസ പ്രമേയം പാസായത്. അനുകൂലമായി മൂന്ന് ബിജെപി അംഗങ്ങളും വോട്ട് ചെയ്‌തു. അവിശ്വസ പ്രമേയം അവതരിപ്പിച്ചത് പഞ്ചായത്ത് പ്രസിഡന്റ് കെ ബേബി, സുധ, ഉപാധ്യക്ഷൻ ആർ അലൈരാജൻ എന്നിവർക്കെതിരെയാണ്.

കൊച്ചി: അടുത്ത ലോക്സഭ തെരഞ്ഞെടുപ്പിൽ ബിജെപി കേരളത്തിൽ നേട്ടമുണ്ടാക്കുമെന്ന് സംസ്ഥാന ചുമതലയുള്ള ബിജെപി നേതാവ് പ്രകാശ് ജാവദേക്കർ. തെരഞ്ഞെടുപ്പിൽ 5 സീറ്റുകൾ നേടുമെന്ന് അദ്ദേഹം കൊച്ചിയിൽ മാധ്യമങ്ങളോട് പറഞ്ഞു. കേരളത്തിലെ ഇടത് സർക്കാർ അഴിമതിയും ഗുണ്ടായിസവുമാണ് നടത്തുന്നതെന്നും ജാവദേക്കർ കുറ്റപ്പെടുത്തി. സിപിഎമ്മും കോൺഗ്രസും കേരളത്തിൽ ഗുസ്തിയും ത്രിപുരയിൽ ദോസ്തിയുമാണെന്നും ജാവദേക്കർ പരിഹസിച്ചു. ഈ ബജറ്റ് സംസ്ഥാന ഖജനാവ് കൊള്ളയടിക്കാനുള്ള ശ്രമമാണെന്ന് സംസ്ഥാന അധ്യക്ഷൻ കെ സുരേന്ദ്രനും വിമർശിച്ചു. അയൽ സംസ്ഥാനങ്ങളിൽ പെട്രോളിനും ഡീസലിനും 6 രൂപ വരെ …

ബിജെപി കേരളത്തിൽ നേട്ടമുണ്ടാക്കുമെന്ന് പ്രകാശ് ജാവദേക്കർ Read More »

കൊച്ചി: ഇന്ധനവില വർധനവിൽ പ്രതിഷേധിച്ച് കൊച്ചിയിൽ മുഖ്യമന്ത്രി താമസിച്ചിരുന്ന ഗസ്റ്റ് ഹൗസിനു മുന്നിൽ യൂത്ത് കോൺഗ്രസ് പ്രതിഷേധം. മുഖ്യമന്ത്രിക്ക് നേരെ കരിങ്കൊടി കാണിക്കാൻ ശ്രമിച്ച പ്രവർത്തകരെ പൊലീസ് അറസ്റ്റുചെയ്തു നീക്കി. മുഖ്യമന്ത്രി താമസിച്ച പി.ഡബ്യൂ.ഡി ഗസ്റ്റ് ഹൗസിന് മുന്നിൽ നാല് യൂത്ത് കോൺഗ്രസ് പ്രവർത്തകരാണ് മിന്നൽ പ്രതിഷേധം നടത്തിയത്. മുദ്രാവാക്യം വിളികളുയർന്നതോടെ പ്രതിഷേധം ശ്രദ്ധയിൽപ്പെട്ട പൊലീസ് ഉടൻ തന്നെ എല്ലാവരെയും അറസ്റ്റ് ചെയ്തു നീക്കുകയായിരുന്നു.