National

ബാം​​ഗ്ലൂർ: ദളിതർക്കും പാവപ്പെട്ടവർക്കും സൗജന്യവിദ്യാഭ്യാസവും വൈദ്യസഹായവും നൽകിയതിൻറെ പേരിൽ തനിക്കെതിരെ മതപരിവർത്തനത്തിന് കേസെടുക്കുമെങ്കിൽ താനിനിയും അത് തുടരുമെന്ന് ബാം​​ഗ്ലൂർ രൂപതാ ആർച്ച് ബിഷപ്പ് പീറ്റർ മച്ചാഡോ. കർണാടക നിയമസഭാ തെരഞ്ഞെടുപ്പിന് ആഴ്ചകൾ മാത്രം ശേഷിക്കേയാണ് സർക്കാരിനെതിരെയുള്ള അദ്ദേഹത്തിന്റെ ഈ രൂക്ഷവിമർശനം. ക്രിസ്ത്യൻ സ്കൂളുകളിൽ പഠിച്ച എത്ര കുട്ടികൾ മതം മാറ്റപ്പെട്ടിട്ടുണ്ടെന്ന കണക്ക് സർക്കാർ പുറത്തുവിടട്ടെയെന്നും അദ്ദേഹം വെല്ലുവിളിച്ചു.

ഡല്‍ഹി: മദ്യ നയ കേസില്‍ ഡല്‍ഹി ഉപമുഖ്യമന്ത്രി മനീഷ് സിസോദിയയെ അറസ്റ്റ് ചെയ്ത സംഊവത്തിൽ പ്രതികരിച്ച് ഡല്‍ഹി മുഖ്യമന്ത്രി അരവിന്ദ് കേജ്രിവാള്‍. രാജ്യം മുഴുവന്‍ ഇതെല്ലാം കാണുകയാണെന്നും, ജനങ്ങള്‍ ഉചിതമായ മറുപടി കൊടുക്കുമെന്നും അദ്ദേഹം പറഞ്ഞു. സിസോദിയയുടെ കുടുംബത്തെ സന്ദര്‍ശിച്ച ശേഷമായിരുന്നു അരവിന്ദ് കേജ്രിവാളിന്‍റെ പ്രതികരണം. രാജ്യസേവനത്തിനായി ജീവിതം ഉഴിഞ്ഞുവച്ച യഥാര്‍ഥ രാജ്യഭക്തനാണു മനീഷ് സിസോദിയ. സത്യസന്ധരായ ആളുകളെ ജയിലില്‍ അയക്കുന്ന രീതിയാണ് ഇപ്പോള്‍ രാജ്യത്ത് നിലനില്‍ക്കുന്നത്. എന്നാല്‍ രാജ്യത്തെ കൊള്ളയടിക്കുന്നവര്‍ ആദരിക്കപ്പെടുകയും, ഗവണ്‍മെന്‍റിനാല്‍ സംരക്ഷിക്കപ്പെടുകയും ചെയ്യുന്നു. …

ഏകാധിപതിയുടെ ഭരണത്തെ ദീര്‍ഘകാലം ജനാധിപത്യം സഹിച്ച ചരിത്രമില്ല; രാജ്യം ബി.ജെ.പിക്ക് അധികം വൈകാതെ തന്നെ ഉചിതമായ മറുപടി കൊടുക്കുമെന്ന് അരവിന്ദ് കേജ്രിവാള്‍ Read More »

ന്യൂഡൽഹി: കോൺഗ്രസ് പ്ലീനറി സമ്മേളനത്തിൽ പ്രതിപക്ഷ സഖ്യം ലക്ഷ്യമിട്ടുള്ള നിർണ്ണായക രാഷ്ട്രീയപ്രമേയം ഇന്ന് അവതരിപ്പിക്കും. പ്രമേയത്തിൽ ഉയരുന്നത് വരാനിരിക്കുന്ന നിയമസഭ, ലോക്സഭ തെരഞ്ഞെടുപ്പുകൾക്ക് മുന്നോടിയായി സമാനമനസ്കരുമായി യോജിച്ച് പോകാമെന്ന നിർദ്ദേശമാകും. വിദേശകാര്യം, സാമ്പത്തികം തുടങ്ങിയ വിഷയങ്ങളിലും പ്രമേയങ്ങൾ അവതരിപ്പിക്കുമെന്നാണ് അറിയിച്ചിരിക്കുന്നത്. പാർട്ടി അധ്യക്ഷനായി മല്ലികാർജ്ജുൻ ഖർഗയെ തെരഞ്ഞെടുത്ത നടപടിക്കും സമ്മേളനം അംഗീകാരം നൽകും. ഖർഗെ പതാക ഉയർത്തലിന് ശേഷം പത്തരയോടെ പ്രവർത്തകരെ അഭിസംബോധന ചെയ്യുന്നതാണ്. മുൻ അധ്യക്ഷ സോണിയ ഗാന്ധി നന്ദി രേഖപ്പെടുത്തും.

ചെന്നൈ: എടപ്പാടി പളനിസ്വാമിയുടെ ശക്തി പ്രകടനമായി തമിഴ്നാട് മുൻ മുഖ്യമന്ത്രി ജയലളിതയുടെ എഴുപത്തിയഞ്ചാം ജന്മദിനാഘോഷം മാറി. സുപ്രീം കോടതിയിൽ നിന്ന്, പാർട്ടിയിലെ അധികാരത്തർക്കത്തിൽ അനുകൂല വിധി കിട്ടിയതിന് ശേഷം ആദ്യമായി ചെന്നൈയിൽ വരുന്ന ഇ.പി.എസിനെ സ്വീകരിക്കാൻ ആയിരക്കണക്കിന് പാർട്ടി പ്രവർത്തകരാണ് റോയാപേട്ടിലെ അണ്ണാ ‍ഡി.എം.കെ ആസ്ഥാനത്ത് എത്തിയത്. എന്നാൽ ടി.ടി.വി.ദിനകരനും ശശികലയുമായും ചർച്ച നടത്തുമെന്നാണ് പനീർശെൽവത്തിൻറെ പ്രതികരണം.

റായ്പൂര്‍: പ്ലീനറി സമ്മേളനത്തിന്‍റെ ഭാഗമായുള്ള സ്റ്റിയറിംഗ് കമ്മറ്റിയിൽ കോണ്‍ഗ്രസ് പ്രവര്‍ത്തകസമിതിയിലേക്ക് തെരഞ്ഞെടുപ്പിന് പകരം നാമനിര്‍ദ്ദേശ രീതി തുടരാൻ തീരുമാനമെടുത്തു. പാര്‍ട്ടി അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെ യോഗം തുടങ്ങിയപ്പോള്‍ തന്നെ എല്ലാ അംഗങ്ങളുടെയും നിലപാടെടുത്തിരുന്നു. തെരഞ്ഞെടുപ്പ് വേണ്ടെന്നായിരുന്നു ഭൂരിപക്ഷം അംഗങ്ങളും പറഞ്ഞത്. തെരഞ്ഞെടുപ്പിലൂടെ അദ്ധ്യക്ഷനെ നിശ്ചയിച്ചത് വഴി പാര്‍ട്ടിയില്‍ ജനാധിപത്യ പ്രക്രിയ ഉണ്ടെന്ന സന്ദേശം നല്‍കാനായി. അതേസമയം, പാര്‍ട്ടിയില്‍ വീണ്ടുമൊരു മത്സരം, ലോക്സഭ തെരഞ്ഞെടുപ്പും നിയമസഭ തെരഞ്ഞെടുപ്പുകളും വരുന്ന സാഹചര്യത്തില്‍ നടന്നാൽ പൊട്ടിത്തെറിയിലേക്ക് നയിച്ചേക്കുമെന്നാണ് ഭൂരിഭാഗം അംഗങ്ങളുടെയും വിലയിരുത്തൽ. …

കോണ്‍ഗ്രസ് പ്രവര്‍ത്തകസമിതിയിലേക്ക് നാമനിര്‍ദ്ദേശം Read More »

ന്യൂഡൽഹി: അദാനി ​ഗ്രൂപ്പിനെതിരായ ഹിൻഡൻബെർഗിന്റെ റിപ്പോർട്ടിന്റെ അടിസ്ഥാനത്തിലുള്ള വാർത്തകൾ പ്രസിദ്ധീകരിക്കുന്നതിൽ നിന്ന് മാധ്യമങ്ങളെ വിലക്കാനാകില്ലെന്ന് സുപ്രീം കോടതി. കോടതികൾക്ക് അങ്ങനെ ഒരു നിർദ്ദേശവും നൽകാനാകില്ലെന്ന് ചീഫ് ജസ്റ്റിസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ച് നിരീക്ഷിച്ചു. ഹിൻഡൻബെർഗ് റിപ്പോർട്ട് അനുസരിച്ചുള്ള വാർത്ത നൽകുന്നത് തടയണമെന്ന് കാട്ടി അഭിഭാഷകൻ എം.എൽ.ശർമ്മ നൽകിയ ഹർജി പരാമർശിച്ചപ്പോഴാണ് കോടതി നിലപാട് അറിയിച്ചത്.

ന്യൂ‍ഡൽഹി: കോൺഗ്രസ് നേതാക്കൾ എ.ടി.എമ്മിലെന്നപോലെ വടക്ക് കിഴക്കൻ സംസ്ഥാനങ്ങളിലെ പണം ഡൽഹിലേക്ക് കടത്തിക്കൊണ്ടുപോയെന്ന് പ്രധാനമന്ത്രി നരേന്ദ്രമോദി. ബി.ജെ.പിക്ക് കോൺഗ്രസിന്റെ കാലത്തെ അഴിമതി ഇല്ലാതാക്കാനും ജനങ്ങളിലേക്ക് സർക്കാർ പദ്ധതികളുടെ പണം നേരിട്ടെത്തിക്കാനും ബി.ജെ.പിക്ക് കഴിഞ്ഞുവെന്ന് നാഗാലാൻഡ് തെരഞ്ഞെടുപ്പ് റാലിയിൽ സംസാരിക്കുന്നതിനിടെ മോദി പറഞ്ഞു. ഒരു പൈസ പോലും ബി.ജെ.പിയുടെ കാലത്ത് പുറത്തു പോയില്ല. ബി.ജെ.പിക്ക് വടക്ക് കിഴക്കൻ സംസ്ഥാനങ്ങൾ അഷ്ട ലക്ഷമിയെ പോലെയാണ്. ഭാരത് ജനതാ പാർട്ടിയുടെ കാലത്ത് വടക്കൻ സംസ്ഥാനങ്ങളോട് മുമ്പുണ്ടായിരുന്ന കാഴ്ചപ്പാട് തന്നെ മാറിയെന്നും മോദി …

വടക്ക് കിഴക്കൻ സംസ്ഥാനങ്ങൾ ബി.ജെ.പിക്ക് അഷ്ട ലക്ഷമിയെ പോലെയാണെന്ന് പ്രധാനമന്ത്രി Read More »

റാ​യ്പു​ർ: 20204 ലെ ലോ​ക്സ​ഭാ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി കോ​ൺ​ഗ്ര​സി​ന്‍റെ പ്ലീ​ന​റി സ​മ്മേ​ള​നം ഇ​ന്നു തു​ട​ങ്ങും. ഛത്തി​സ്ഗ​ഡ് ത​ല​സ്ഥാ​ന​മാ​യ റാ​യ്പു​രി​ലാണ് സ​മ്മേ​ള​നം ചേ​രു​ന്നത്. മൂന്ന് ​ദി​വസം നീണ്ടു നിൽക്കും. ദേ​ശീ​യ ത​ല​ത്തി​ലു​ള്ള സ​ഖ്യ​രൂ​പീ​ക​ര​ണ​മു​ൾ​പ്പെ​ടെ ച​ർ​ച്ചാ വിഷയമാക്കും എന്നാണ് അറിയിച്ചിരിക്കുന്നത്. പു​തി​യ പ്ര​വ​ർ​ത്ത​ക സ​മി​തി​യെ തെ​ര​ഞ്ഞെ​ടു​ക്കു​ക, മ​ല്ലി​കാ​ർ​ജു​ൻ ഖാ​ർ​ഗെ പാ​ർ​ട്ടി അ​ധ്യ​ക്ഷ​നാ​​യു​ള്ള തെ​ര​ഞ്ഞെ​ടു​പ്പ് അം​ഗീ​ക​രി​ക്കു​ക തു​ട​ങ്ങി​യ​വ​ ഉൾപ്പെടെയാണ് സ​മ്മേ​ള​ന​ത്തി​ന്‍റെ അ​ജ​ൻ​ഡ. ഭാ​ര​ത് ജോ​ഡോ യാ​ത്ര​യെക്കുറി​ച്ചും ഗു​ജ​റാ​ത്തി​ൽ നി​ന്ന് അ​സ​മി​ലേ​ക്ക് രാ​ഹു​ൽ പ​ദ്ധ​തി​യി​ടു​ന്ന യാ​ത്ര​യെപ്പറ്റിയും ​ച​ർ​ച്ച​ ചെയ്യുന്നതാണ്.

ന്യൂഡൽഹി: നാളെ റായ്‌പൂരിൽ നടക്കുന്ന കോൺഗ്രസ് പ്ലീനറി സമ്മേളനത്തിൽ പങ്കെടുക്കുന്നതിനായി ഡൽഹി വിമാനത്താവളത്തിൽ എത്തിയ പവൻ ഖേരയെ വിമാനത്തിൽ നിന്ന് ഇറക്കിവിട്ടു. ഡൽഹി പൊലീസ് കസ്റ്റഡിയിലെടുക്കാൻ ശ്രമിക്കുന്നുവെന്ന് ഉന്നയിച്ച് കോൺഗ്രസ് നേതാക്കളുടെ നേതൃത്വത്തിൽ വിമാനത്താവളത്തിൽ പ്രതിഷേധം നടക്കുകയാണ്. ഇതിന്റെ ഭാ​ഗമായി റൺവേ ഉപരോധിച്ചു. വിമാനത്താവളത്തിൽ ഡൽഹി പൊലീസിന്റെ വൻ സംഘമുണ്ട്. തന്നെ വിമാനത്തിൽ നിന്ന് പുറത്തിറക്കിയത് ലഗേജിൽ പ്രശ്നമുണ്ടെന്ന് ആരോപിച്ചാണെന്ന് പവൻ ഖേര അറിയിച്ചു. കൂടാതെ റായ്പൂരിലേക്ക് പോകാനാവില്ലെന്നും ഡൽഹി പൊലീസ് ഡി.സി.പിക്ക് കാണണമെന്നുമായിരുന്നു വിമാനത്തിൽ നിന്ന് …

പവൻ ഖേരയെ ഇറക്കിവിട്ടു; കോൺഗ്രസ് നേതാക്കൾ പ്രതിഷേധവുമായി വിമാനത്താവളത്തിൽ Read More »

ന്യൂഡൽഹി: മുൻ മുഖ്യമന്ത്രി ഒ.പനീർസെൽവത്തിന് തമിഴ്നാട്ടിൽ അണ്ണാ ഡി.എം.കെയിലെ അധികാര തർക്കത്തിൽ തിരിച്ചടി. ഇടപ്പാടി പളനിസ്വാമിയെ പാർട്ടിയുടെ ഇടക്കാല ജനറൽ സെക്രട്ടറിയായി തെരഞ്ഞെടുത്തത് സുപ്രീം കോടതി ശരിവെച്ചു. പനീർസെൽവം പക്ഷം മദ്രാസ് ഹൈക്കോടതി ഡിവിഷൻ ബെഞ്ച് വിധിക്കെതിരെ നൽകിയ ഹർജി സുപ്രീം കോടതി തള്ളി. ജസ്റ്റിസുമാരായ ഹൃഷികേശ് റോയ്, ദിനേശ് മഹേശ്വരി എന്നിവരടങ്ങിയ ബെഞ്ചാണ് ഹർജി തള്ളിയത്. എടപ്പാടി പളനിസ്വാമി എ.ഐ.എ.ഡി.എം.കെയുടെ ഇടക്കാല ജനറൽ സെക്രട്ടറിയായത്‌ പാർട്ടിയുടെ നിയമാവലിയിൽ ജനറൽ കൗൺസിൽ വരുത്തിയ ഭേദഗതിയിലൂടെയായിരുന്നു. ഭരണഘടന ഭേദഗതിയിലൂടെ …

ഒ.പനീർസെൽവത്തിന് കനത്ത തിരിച്ചടി Read More »

ന്യൂഡൽഹി: സർക്കാർ സംവിധാനങ്ങൾ ഉപയോഗിച്ച്‌ രാഷ്ട്രീയ എതിരാളികളുടെ വിവരങ്ങൾ ചോർത്തിയെന്ന ആരോപണത്തിൽ ഡൽഹി ഉപമുഖ്യമന്ത്രിയും ആംആദ്‌മി നേതാവുമായ മനീഷ്‌ സിസോദിയയെ പ്രോസിക്യൂട്ട്‌ ചെയ്യാൻ അനുമതി. അഴിമതി നിരോധനനിയമത്തിലെ 17–-ാം വകുപ്പ്‌ പ്രകാരം മനീഷ്‌ സിസോദിയയെ പ്രോസിക്യൂട്ട്‌ ചെയ്യാൻ അനുമതി നൽകിയതായി കേന്ദ്ര ആഭ്യന്തരമന്ത്രാലയം ഡൽഹി ലെഫ്‌റ്റനന്റ്‌ ഗവർണർ വി.കെ.സക്‌സേനയെ അറിയിച്ചു. പ്രോസിക്യൂട്ട്‌ ചെയ്യാൻ അനുമതി തേടി സി.ബി.ഐ ലെഫ്‌. ഗവർണർക്ക്‌ അപേക്ഷ നൽകിയിരുന്നു. 2015ൽ ആംആദ്‌മി അധികാരത്തിൽ എത്തിയതിന്‌ പിന്നാലെ അഴിമതി തടയുകയെന്ന ലക്ഷ്യത്തോടെ രൂപീകരിച്ച ‘ഫീഡ്‌ബാക്ക്‌ …

ഡൽഹി ഉപമുഖ്യമന്ത്രി മനീഷ്‌ സിസോദിയയെ പ്രോസിക്യൂട്ട്‌ ചെയ്യാൻ അനുമതി നൽകി Read More »

ന്യൂഡൽഹി: നാളെ ഛത്തീസ്ഗട്ടിലെ റായ്പൂരിൽ കോൺഗ്രസ് പ്ലീനറി സമ്മേളനം ആരംഭിക്കും. ഇതിനിടയിലാണ് പ്രവ‍ർത്തക സമിതിയിലേക്കുള്ള സാധ്യതാ പട്ടികയിൽ ശശി തരൂരിന്റെ പേരുൾപ്പെടുത്തിയിരിക്കുന്ന വിവരം പുറത്തു വന്നിരിക്കുന്നത്. തരൂരിനെ പ്രത്യേക ക്ഷണിതാവായെങ്കിലും സമിതിയിലേക്ക് എത്തിക്കുമെന്നാണ് ഇതിൽ നിന്നും ലഭിക്കുന്ന സൂചന. ശശി തരൂരിൻ്റെ പേര് പ്രത്യക്ഷപ്പെട്ടിരിക്കുന്നത് കോൺഗ്രസ് അധ്യക്ഷൻ മല്ലികാർജ്ജുൻ ഖാർഗ്ഗെ തയ്യാറാക്കിയ സാധ്യതാ പട്ടികയിലാണ്. നാളെ തുടങ്ങുന്ന സമ്മേളനത്തിൽ ലോക്സഭാ തെരഞ്ഞെടുപ്പിന് ഒരു വർഷം മാത്രം ബാക്കി നിൽക്കേ പ്രതിപക്ഷ സഖ്യത്തിലടക്കമുള്ള നിർണായക പ്രമേയങ്ങൾ അവതരിപ്പിക്കും. സമതിയിലേക്ക് …

പ്ലീനറി സമ്മേളനം നാളെ; പ്രവ‍ർത്തക സമിതിയിലേക്കുള്ള സാധ്യതാ പട്ടികയിൽ ശശി തരൂരും Read More »

ന്യൂഡൽഹി: ആം ആദ്മിയുടെ ഷെല്ലി ഒബ്രോയിയെ ഡൽഹി മുൻസിപ്പൽ കോർപ്പറേഷൻ മേയറായി തെരഞ്ഞെടുത്തു. ബിജെപിയുടെ മേയർ സ്ഥാനാർഥി രേഖ ഗുപ്തയ്‌ക്കെതിരെ 34 വോട്ടുകളുടെ ഭൂരിപക്ഷത്തിനാണ്‌ ഷെല്ലി ഒബ്രോയുടെ വിജയം. എ എ പി- ബി ജെ പി കൗൺസിലർമാരുടെ കയ്യാങ്കളിയെ തുടർന്ന് മൂന്ന് തവണ മാറ്റിവെച്ച തെരഞ്ഞെടുപ്പാണ് ബുധനാഴ്‌ച നടന്നത്.

ന്യൂഡൽഹി: അദാനിക്കെതിരായ ഹിന്‍ഡെൻബെർഗ് റിപ്പോര്‍ട്ട് വെളിപ്പെടുത്തലില്‍ ജെ.പി.സി അന്വേഷണം ആവശ്യപ്പെട്ട് പ്രതിപക്ഷം തുടർച്ചയായി പാർലമെന്‍റ് തടസ്സപ്പെടുത്തിയിരുന്നു. പ്രതിഷേധിച്ച പന്ത്രണ്ട് എം.പിമാർക്കെതിരെ നടപടി സ്വീകരിക്കാനാണ് നീക്കം. രാജ്യസഭയിലും ലോക്സഭയിലും പ്രതിഷേധം ഉണ്ടായിരുന്നുവെങ്കിലും രാജ്യസഭയിലെ അം​ഗങ്ങൾക്കെതിരെയാണ് ഇപ്പോള്‍ നടപടി സ്വീകരിക്കാൻ ഒരുങ്ങുന്നത്. ഇതിന്‍റെ ഭാഗമായി രാജ്യസഭാ അധ്യക്ഷൻ നടുത്തളത്തിലിറങ്ങി മുദ്രാവാക്യം വിളിച്ച 12 ആളുകളുടെ പേരുകള്‍ പ്രിവിലേജ് കമ്മിറ്റിക്ക് കൈമാറി. മൂന്ന് എ.എ.പി എംപിമാരുടെയും ഒമ്പത് കോണ്‍ഗ്രസ് എം.പിമാരുടെയും പേരുകളാണ് നല്‍കിയത്.

ന്യൂഡൽഹി: ഛത്തീസ്ഗഡിൽ കോൺഗ്രസ് നേതാക്കളുടെ വസതികളിൽ എൻഫോഴ്സ്മെന്റിന്റെ പരിശോധന. പ്ലീനറി സമ്മേളനം നടക്കാനിരിക്കെയാണ് പതിനാല് ഇടങ്ങളിൽ റെയ്ഡ് നടക്കുന്നത്. ഇ.ഡി വ്യത്തങ്ങളിൽ നിന്നും ഖനന ഇടപാടുമായി ബന്ധപ്പെട്ടാണ് പരിശോധനയെന്നാണ് ലഭിക്കുന്ന വിവരം. കോൺഗ്രസ് ട്രഷററുടെയും മുൻ വൈസ് പ്രസിഡന്റിന്റെയും എം.എൽ.എമാരുടെയും വസതികളിലാണ് പരിശോധന. പത്തിലേറെ നേതാക്കളുടെ ഓഫിസുകളിലും, വീടുകളിലും റെയ്ഡ് പുരോഗമിക്കുകയാണ്. ട്രഷററുടെ വീട്ടിലടക്കം നടക്കുന്ന പരിശോധനയെ കോൺഗ്രസും പ്ലീനറി സമ്മേളനത്തിന് നാല് ദിവസം മുൻപ് നടക്കുന്ന ഇ.ഡി റെയ്ഡിനെ മുഖ്യമന്ത്രി ഭൂപേഷ് ഭാഗേലും അപലപിച്ചു. കേന്ദ്ര …

കോൺഗ്രസ് നേതാക്കളുടെ വസതികളിൽ ഇ.ഡി റെയ്ഡ് Read More »

ശ്രീനഗർ: ജമ്മു കശ്മീരിലെ താഴ്വരയിലെ ഉൾപ്രദേശങ്ങളിൽ നിന്ന് ഇന്ത്യൻ സൈന്യത്തെ പിൻവലിക്കാൻ ആലോചന. ജമ്മു കശ്മീരിൻറെ പ്രത്യേക പദവി റദ്ദാക്കിയപ്പോൾ വൻതോതിൽ സൈനികരെ വിന്യസിച്ചിരുന്നു. മൂന്നര വർഷത്തിന് ശേഷം ഇത് പിൻവലിക്കാനാണ് ആലോചന. പുതിയ നിർദേശത്തിന് അംഗീകാരം ലഭിച്ചാൽ നിയന്ത്രണരേഖയിൽ മാത്രമേ ഇനി സൈന്യത്തിന്റെ സാന്നിധ്യമുണ്ടാവുകയുള്ളൂ. കശ്മീർ ഉൾപ്രദേശങ്ങളിൽ നിന്ന് സൈന്യത്തെ പിൻവലിക്കാനുള്ള നിർദ്ദേശം രണ്ട് വർഷമായി ചർച്ചയിലുണ്ട്. സൈന്യത്തെ പിൻവലിക്കുന്ന കാര്യത്തിൽ ചർച്ചകളിൽ ഏകദേശ ധാരണയായിട്ടുണ്ടെന്നും ഇക്കാര്യത്തിൽ ഇനി ‍ഡൽഹിയിൽ നിന്നുള്ള അറിയിപ്പിനായി കാത്തിരിക്കുകയാണെന്നും സൈനിക …

കശ്മീർ താഴ്വരയിലെ ഉൾപ്രദേശങ്ങളിൽ നിന്ന് ഇന്ത്യൻ സൈന്യത്തെ പിൻവലിക്കും Read More »

നിശബ്ദപ്രചരണ വേളയിൽ സാമൂഹിക മാധ്യമങ്ങളിലൂടെയും വോട്ട് തേടരുതെന്നു കേന്ദ്ര തെരഞ്ഞെടുപ്പ് കമ്മീഷൻ. കഴിഞ്ഞദിവസം നടന്ന ത്രിപുര നിയമസഭ തെരഞ്ഞെടുപ്പിൽ, നിശബ്ദപ്രചരണത്തിൻറെ സമയപരിധിയിൽ വോട്ട് അഭ്യർഥിച്ച്. ട്വീറ്റ് ചെയ്ത ത്രിപുരയിലെ കോൺഗ്രസ്, ബിജെപി, സിപിഎം പാർട്ടികൾക്കു തെരഞ്ഞെടുപ്പ് കമ്മീഷൻ നോട്ടീസയച്ചു. ത്രിപുരയിൽ വോട്ടെടുപ്പ് പുരോഗമിക്കുന്ന വേളയിലും ഇത്തരത്തിലുള്ള വോട്ട് അഭ്യർഥനകൾ സാമൂഹിക മാധ്യമങ്ങളിൽ പ്രത്യക്ഷപ്പെട്ടിരുന്നുവെന്നു കമ്മീഷൻ നിരീക്ഷിച്ചു.

ബാംഗ്ലൂർ: കോൺ​ഗ്രസ് നേതാവ് സിദ്ധരാമയ്യ കർണാടകയിലെ ബജറ്റവതരണ ദിവസമായ ഇന്ന് നിയമസഭയിലെത്തിയത് ചെവിയിൽ പൂ വച്ച്. നാട്ടിലെ ജനങ്ങളുടെ അവസ്ഥ ഇതാണെന്നും ജനങ്ങളെ ചതിക്കാനുള്ള ബജറ്റാണിതെന്നും അദ്ദേഹം പറഞ്ഞു. തുടർന്ന് ഭരണപക്ഷം, സിദ്ധരാമയ്യയുടെ പ്രസ്താവനയ്ക്കെതിരെ ബഹളം കൂട്ടി. ഇതോടെ സ്പീക്കർ ബജറ്റവതരിപ്പിക്കാൻ അനുവദിക്കണമെന്ന് ആവശ്യപ്പെട്ടു. തെരഞ്ഞെടുപ്പിലേക്ക് കടക്കുന്നതിന് മുമ്പുള്ള കർണാടകയുടെ അവസാനത്തെ ബജറ്റാണിത്. ബജറ്റിൽ നിരവധി ജനപ്രിയപ്രഖ്യാപനങ്ങൾ ഉണ്ടാകുമെന്നാണ് പ്രതീക്ഷ. ജോലിയില്ലാത്ത സ്ത്രീകൾക്ക് ഓണറേറിയവും മറ്റും പ്രഖ്യാപിക്കുവാൻ സാധ്യതയുണ്ട്.

ന്യൂഡൽഹി: തെരഞ്ഞെടുപ്പുകളിൽ നരേന്ദ്രമോദിയെ ഉയർത്തിക്കാട്ടിയുള്ള ബി.ജെ.പിയുടെ പ്രചാരണരീതിയിൽ പരോക്ഷ വിമർശവുമായി ആർഎസ്എസ് തലവൻ മോഹൻ ഭാഗവത്. ഒറ്റ വ്യക്തിക്കോ പ്രത്യയശാസ്‌ത്രത്തിനോ രാജ്യത്തെ സൃഷ്ടിക്കാനോ തകർക്കാനോ കഴിയില്ലെന്ന്‌ മോഹൻ ഭാഗവത് നാ​ഗ്പൂരിൽ പറഞ്ഞു. മോദി സർക്കാർ പ്രചരിപ്പിക്കുന്ന ‘ഒരു രാജ്യം, ഒരു തെരഞ്ഞെടുപ്പ്‌’ എന്ന ആശയം ചോദ്യം ചെയ്യുന്നതാണ്‌ ഈ പരാമർശം. ‘മികച്ച രാജ്യങ്ങളിലെല്ലാം പലതരം ചിന്തയുണ്ട്‌. അവിടെ എല്ലാ സംവിധാനങ്ങളുമുണ്ട്‌. ചിന്തകളുടെയും സംവിധാനങ്ങളുടെയും ബാഹുല്യമുള്ളിടത്തേ പുരോഗതി കൈവരിക്കൂ’–- മോഹൻ ഭാഗവത്‌ പറഞ്ഞു.കേന്ദ്രബജറ്റിനെ വിമർശിച്ചും മോഹൻ ഭാ​ഗവത് രം​ഗത്ത് …

തിരഞ്ഞെടുപ്പ് പ്രചാരണം; ബി.ജെ.പിയെ വിമർശിച്ച് മോഹൻ ഭാഗവത് Read More »

ന്യൂഡല്‍ഹി: സുപ്രീംകോടതിയെ വിമര്‍ശിച്ച് പാഞ്ചജന്യ. സുപ്രീംകോടതിയെ ഇന്ത്യാ വിരുദ്ധ ശക്തികള്‍ ഉപയോഗിക്കുന്നുവെന്നാണ് ആര്‍.എസ്.എസ് മുഖപത്രത്തിലെ പരാമര്‍ശം. രാജ്യത്തെ അപകീര്‍ത്തിപെടുത്താനുള്ള ശ്രമമാണ് നടക്കുന്നതെന്നും ബി.ബി.സി പറയുന്നത് തെറ്റാണെന്നും അതിൽ രേഖപ്പെടുത്തിയിട്ടുണ്ട്. കേന്ദ്ര സര്‍ക്കാരിന് സുപ്രീംകോടതി ബി.ബി.സി ഡോക്യുമെന്ററിയുടെ നിരോധനവുമായി ബന്ധപ്പെട്ട ഹര്‍ജികളില്‍ നോട്ടീസ് അയച്ചിരുന്നു. ഇത് ചൂണ്ടിക്കാട്ടിയാണ് വിമര്‍ശനം. സുപ്രീം കോടതി പ്രവര്‍ത്തിക്കുന്നത് ഇന്ത്യക്കാര്‍ അടയ്ക്കുന്ന നികുതിയിലാണ്. സുപ്രീംകോടതിയുടെ ചുമതല രാജ്യത്തിന് വേണ്ടിയുള്ള നിയമങ്ങള്‍ അനുസരിച്ച് പ്രവര്‍ത്തിക്കുകയുമാണെന്നും പാഞ്ചജന്യ പറയുന്നു.

ന്യൂഡൽഹി: ബി.ബി.സി ഓഫീസുകളിലെ ആദായ നികുതി വകുപ്പിൻറെ പരിശോധന മൂന്നാം ദിവസത്തിലേക്കു കടന്നു. പരിശോധന ഇന്ന് അവസാനിച്ചേക്കുമെന്നാണ് വിവരം. നികുതി നൽകാതെ അനധികൃത ലാഭം വിദേശത്തേക്കുകടത്തുന്നു എന്നാണ് ബിബിസിക്കെതിരായ ആരോപണം. എന്നാൽ പരിശോധനയുമായി ബന്ധപ്പെട്ട ഔദ്യോഗിക പ്രതികരണം ഇതുവരെ ആദായ നികുതി വകുപ്പ് നൽകിയിട്ടില്ല. പരിശോധന കണക്കിലെടുത്ത് ബിബിസി ഓഫീസുകളിൽ കുറച്ചു ജീവനക്കാർ മാത്രമേ ജോലിക്ക് എത്തുന്നുള്ളു. മറ്റുള്ളവരോട് വർക്ക് ഫ്രം ഫോം ആയി ജോലിചെയ്യാനാണ് നിർദ്ദേശം. എന്നാൽ ബിബിസിയെ നിരോധിക്കണമെന്നാവശ്യപ്പെട്ട് ഇന്നലെ ഹിന്ദു സേന പ്രവർത്തകർ …

ബി.ബി.സി ഓഫീസ് റെയിഡ് മൂന്നാം ദിവസം Read More »

ന്യൂഡൽഹി: ത്രിപുരയിൽ നാളെ നിയമസഭാ തിരഞ്ഞെടുപ്പ്. ഇന്ന് നിശബ്ദ പ്രചാരണമാവും നടക്കുക. അക്രമ സാധ്യത കണക്കിലെടുത്ത് കനത്ത സുരക്ഷയാണ് ഏർപ്പെടുത്തിയിരിക്കുന്നത്. ഇതിന്‍റെ ഭാഗമായി നിരോധനാജ്ഞ പ്രഖ്യാപിച്ചു. സംഘർഷ മേഖലകളായ ബിശാൽഘട്ട്, ഉദയപൂർ, മോഹൻപൂർ തുടങ്ങിയ ഇടങ്ങളിൽ അർധ സൈനിക വിഭാഗത്തെ വിന്യസിച്ചു. അതേസമയം തെരഞ്ഞെടുപ്പ് നടത്തിപ്പിൽ കേന്ദ്രമന്ത്രി അമിത് ഷാ ഇടപെടുകയാണെന്ന് ആരോപിച്ച് സി.പി.എം തെരഞ്ഞെടുപ്പ് കമ്മീഷന് പരാതി നൽകി. സംസ്ഥാന തെരഞ്ഞെടുപ്പ് അതോറിറ്റി അംഗങ്ങളുമായും ഉന്നത പൊലീസ് ഉദ്യോഗസ്ഥരുമായും അമിത് ഷാ രഹസ്യ കൂടികാഴ്ച നടത്തിയെന്നാണ് …

ത്രിപുരയിൽ ഇന്ന് നിശബ്ദ പ്രചാരണം; നാളെ തിരഞ്ഞെടുപ്പ് Read More »

മുംബൈ: മുംബൈയിലേയും ഡൽഹിയിലേയും ബി.ബി.സി ഓഫീസുകളിൽ ആദായ നികുതി ഉദ്യോഗസ്ഥരുടെ പരിശോധന തുടരുകയാണ്. ചില ജീവനക്കാരോട് ഓഫീസിൽ തുടരാൻ ഉദ്യോഗസ്ഥർ ആവശ്യപ്പെട്ടിട്ടുള്ളതായി ബി.ബി.സി അറിയിച്ചു . പരിശോധനയോട് സഹകരിക്കുമെന്നും പ്രവർത്തനം പതിവുപോലെ തുടരുമെന്നും ബി.ബി.സി വ്യക്തമാക്കി . രാത്രി വൈകിയും പരിശോധന നടന്നതായാണ് പുറത്തു വരുന്ന വിവരങ്ങൾ. 2012 മുതലുള്ള രേഖകളാണ് പരിശോധിക്കുന്നത്. അന്താരാഷ്ട്ര നികുതി അടക്കമുള്ളവയിലെ ക്രമക്കേടുകളും ബി.ബി.സിയുടെ ഉപ കമ്പനികളിലെ ട്രാൻഫർ വിലനിർണ്ണയത്തിലെ ക്രമക്കേടുകളും ഉൾപ്പെടെയുള്ളവയാണ് പരിശോധിക്കുന്നതെന്നാണ് ആദായ നികുതി വകുപ്പിന്‍റെ വിശദീകരണം. പരിശോധനയ്‌ക്കെതിരെ …

ബി.ബി.സി ഓഫീസുകളിൽ ആദായ നികുതി ഉദ്യോഗസ്ഥരുടെ പരിശോധന തുടരുന്നു Read More »

ന്യൂഡൽഹി: ആദായ നികുതി വകുപ്പ് ബി.ബി.സി ഓഫീസിൽ പരിശോധന നടത്തുന്നതിനെ വിമർശിച്ച് കോൺഗ്രസ്. അപ്രഖ്യാപിത അടിയന്തരാവസ്ഥയെന്നായിരുന്നു കോൺഗ്രസ് നേതാവ് ജയറാം രമേശിന്റെ ആരോപണം. ​ഗൗതം അദാനിയുടെ വിഷയത്തിൽ ജെ.പി.സി അന്വേഷണം ആവശ്യപ്പെടുന്നുണ്ട്. എന്നാൽ സർക്കാർ ബി.ബി.സിയിൽ പരിശോധന നടത്തുന്നുവെന്ന് ജയറാം രമേശ് ആഞ്ഞടിച്ചു. വിനാശ കാലേ വിപരീത ബുദ്ധിയെന്ന് കോൺഗ്രസ് കുറ്റപ്പെടുത്തി.

വാരണാസി: രാഹുൽ ഗാന്ധിയുടെ വാരാണസി, പ്രയാഗ്രാജ് സന്ദർശനം മുടങ്ങിയത് സംബന്ധിച്ച പ്രചാരണങ്ങൾ തെറ്റെന്ന് വിമാനത്താവളത്തിലെ അധികൃതർ. രാഹുൽ തന്നെ വിമാനം റദ്ദാക്കുകയായിരുന്നുവെന്നാണ് വിമാനത്തിന് ലാൻഡിംഗ് അനുമതി നൽകിയില്ലെന്ന ആരോപണത്തിനെതിരെ ഉദ്യോ​ഗസ്ഥർ നൽകിയ മറുപടി. വിമാനത്താവള അധികൃതരാണ് അനുമതി നിഷേധിച്ചതെങ്കിൽ വിവരം വ്യക്തമാക്കണമെന്ന് ആവശ്യപ്പെട്ടാണ് രാഹുൽ ഗാന്ധിയേയും ഇന്ത്യൻ നാഷണൽ കോൺഗ്രസിനേയും ടാഗ് ചെയ്ത് അവർ സമൂഹമാധ്യമങ്ങളിലൂടെ പ്രതികരിച്ചിരിക്കുന്നത്.

ന്യൂഡൽഹി: ഡൽഹിയിലെയും മുംബൈയിലെയും ബി.ബി.സി ഓഫീസുകളിൽ ആദായനികുതി ഉദ്യോഗസ്ഥരുടെ പരിശോധന. ജീവനക്കാരുടെ ഫോണുകൾ പിടിച്ചെടുത്തു. രാവിലെ 11:30 നാണ് ആദായനികുതി ഉദ്യോഗസ്ഥർ ബിബിസി ഓഫീസിൽ എത്തിയത്. ‌ ഡോക്യുമെൻററിയിലൂടെ നരേന്ദ്രമോദിക്ക് ഗുജറാത്ത് കലാപവുമായുള്ള ബന്ധം ചൂണ്ടി കാണിച്ചതിലുള്ള വിവാദം നിലനിൽക്കുന്നതിനിടെയാണ് ഈ സംഭവം. ഇന്ന് ബിബിസി മുംബൈയിലെ ഓഫീസിലും ആദായ നികുതി വകുപ്പ് പരിശോധന നടത്തുന്നുണ്ട്.