Month: January 2025

തിരുവനന്തപുരം: വിഴിഞ്ഞം തുറമുഖവുമായി ബന്ധപ്പെട്ട ആദ്യ രാജ്യാന്തര കോൺക്ലേവിന് തലസ്ഥാനത്ത് തുടക്കം. ഹയാത്ത് റീജൻസിയിൽ നടക്കുന്ന ദ്വിദിന കോൺക്ലേവിൽ വിദേശങ്ങളിൽ നിന്നെത്തിയ വിദഗ്ദ​ധ​രടക്കം പങ്കെടുക്കുന്നുണ്ട്.​ വിഴിഞ്ഞം തുറമുഖത്തി​ന്‍റെ ഭാവിയും വളര്‍ച്ചയും തീരുമാനിക്കുന്നതില്‍ മാതൃവ്യവസായത്തിന്(മദര്‍ ഇന്‍ഡസ്ട്രി) വലിയ പങ്കുണ്ടെന്നും അത് ഉടനെതന്നെ കണ്ടെത്തണമെന്നും നയാരാ എനര്‍ജി ചെയര്‍മാന്‍ പ്രസാദ് കെ. പണിക്കര്‍ പറഞ്ഞു. സിംഗപ്പു​ര്‍, റോട്ടര്‍ഡാം തുറമുഖ നഗരങ്ങളുടെ വളര്‍ച്ചയ്ക്ക് നിദാനമായത് പെട്രൊകെമിക്കല്‍ വ്യവസായമാണ്. ഷാങ്ഹായ് തുറമുഖ നഗരത്തിന്‍റെ വളര്‍ച്ചയില്‍ പ്രധാന പങ്കുവഹിച്ചത് ഇലക്‌ട്രോണിക്‌സാണ്. ഈ ​മാ​തൃ​ക​യി​ൽ വിഴിഞ്ഞം …

വിഴിഞ്ഞം തുറമുഖം, ആദ്യ രാജ്യാന്തര കോൺക്ലേവിന് തലസ്ഥാനത്ത് തുടക്കം Read More »

തിരുവനന്തപുരം: സംസ്ഥാനത്ത് പകൽ ചൂട് വർധിക്കുമെന്ന് കേന്ദ്ര കാലാവസ്ഥ വകുപ്പിന്‍റെ മുന്നറിയിപ്പ്. ഒറ്റപ്പെട്ട ഇടങ്ങളിൽ രാവിലെ 11 മുതൽ ഉച്ചയ്ക്ക് മൂന്ന് വരെ രണ്ട് മുതൽ മൂന്ന് ഡിഗ്രി വരെ അധിക താപനിലയ്ക്കുള്ള സാധ്യത കണക്കിലെടുത്ത് പൊതുജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നൽകി. ഉയര്‍ന്ന ചൂട് സൂര്യാഘാതം, സൂര്യാതപം, നിര്‍ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകും. നേരിട്ട് സൂര്യപ്രകാശം ഏൽക്കുന്നത് ഒഴിവാക്കണം. ദാഹമില്ലെങ്കിലും വെള്ളം കുടിക്കുന്നത് തുടരണം. അസ്വസ്ഥതകൾ …

സംസ്ഥാനത്ത് ചൂട് കൂടുതൽ; മുന്നറിയിപ്പുമായി ദുരന്ത നിവാരണ അതോറിറ്റി Read More »

കൊച്ചി: സംസ്ഥാനത്ത് സ്വർണവില സർവകാല റെക്കോഡിൽ. ഒരു പവൻ സ്വർണത്തിന് ഒറ്റയട്ക്ക് 680 രൂപയാണ് വർധിച്ചത്. ഇതോടെ ഒരു പവന്‍ സ്വര്‍ണത്തിന് 60,760 രൂപയായി. ഗ്രാമിന് 85 രൂപ വര്‍ധിച്ച് ഒരു ഗ്രാം സ്വര്‍ണത്തിന് 7595 രൂപയായി. രണ്ട് ദിവസമായി ഇടിവ് രേഖപ്പെടുത്തിയ സ്വർണവില ഒറ്റയടിക്ക് ഉയരുകയായിരുന്നു. കഴിഞ്ഞയാഴ്ചയാണ് സ്വര്‍ണവില ചരിത്രത്തിലാദ്യമായി പവന് 60000ന് മുകളിലേക്കുന്നത്. ട്രംപ് ഇഫക്ട് തന്നെയാണ് ഇന്നും സ്വര്‍ണവിലയില്‍ പ്രതിഫലിച്ചതെന്നാണ് സൂചന.

തിരുവനന്തപുരം: സംസ്ഥാനത്ത് വരും ദിവസങ്ങളിൽ ചൂട് കൂടുമെന്ന് മുന്നറിയിപ്പ്. കേരളത്തിൽ ഒറ്റപ്പെട്ടയിടങ്ങളിൽ സാധാരണയെക്കാൾ രണ്ട് ഡിഗ്രി സെൽഷ്യസ് മുതൽ മൂന്ന് ഡിഗ്രി സെൽഷ്യസ് വരെ താപനില ഉയരാനുള്ള സാധ്യതയാണ് കേന്ദ്ര കാലാവസ്ഥാ വകുപ്പ് അറിയിക്കുന്നത്. ജനുവരിയിൽ സാധാരണ ലഭിക്കുന്നതിനേക്കാൾ ചൂടാണ് ഇക്കൊല്ലം അനുഭവപ്പെടുന്നത്. കഴിഞ്ഞ 10 വർഷത്തിനിടെ, 2024ലാണ് സംസ്ഥാനത്ത് ഏറ്റവുമധികം ചൂട് രേഖപ്പെടുത്തിയത്. കണ്ണൂർ വിമാനത്താവളത്തിൽ രേഖപ്പെടുത്തിയ 36.5 ഡിഗ്രി സെൽഷ്യസ് ആണ് കഴിഞ്ഞ ദിവസം രാജ്യത്ത് രേഖപ്പെടുത്തിയ ഏറ്റവും ഉയർന്ന ചൂട്.

തൃശൂർ: വാൽപ്പാറയിൽ കാട്ടാനയുടെ ആക്രമണത്തിൽ വയോധികയ്ക്ക് പരുക്ക്. തേയില തോട്ടം തൊഴിലാളി അന്നലക്ഷ്മികാരിക്കാണ്(67) പരുക്കേറ്റത്. മാനമ്പിള്ളി ഫോറസ്റ്റ് റിസർവിന് കീഴിലുള്ള ഇടിആർ എസ്റ്റേറ്റ് ഭാഗത്ത് 12 വീടുകൾ അടങ്ങിയ ലായം ഉണ്ടായിരുന്നു. ഇവിടേക്കാണ് കാട്ടാന എത്തിയത്. രാത്രി ശബ്ദം കേട്ട് വീടിന് പുറത്തിറങ്ങിയപ്പോൾ അന്നലക്ഷ്മിയെ, ആന തുമ്പിക്കൈ കൊണ്ട് തട്ടി വീഴ്ത്തി കാൽ ചവിട്ടി ഒടിക്കുകയായിരുന്നു. മറ്റു വീടുകളിലെ ആളുകൾ ഉണർന്ന് ബഹളം വെച്ചതിനെത്തുടർന്നാണ് കാട്ടാന പിൻവാങ്ങിയത്. അന്നലക്ഷ്മിയെ വാൽപ്പാറയിലെ സർക്കാർ ആശുപത്രിയിലെത്തിച്ചു. തുടർന്ന് വിദഗ്ധ ചികിത്സയ്ക്കായി …

വാൽപ്പാറയിൽ കാട്ടാന ആക്രമണം; വയോധികയ്ക്ക് പരുക്കേറ്റു Read More »

തിരുവനന്തപുരം: വേതന പരിഷ്ക്കരണം ആവശ്യപ്പെട്ട് റേഷൻ വ്യാപാരികൾ തിങ്കളാഴ്ച മുതൽ അനിശ്ചിത കാല പണിമുടക്ക് ആരംഭിച്ചു. ഭക്ഷ്യ-ധന മന്ത്രിമാർ സംഘടാനപ്രതിനിധികളുമായി വെള്ളിയാഴ്ച ചർച്ചനടത്തിയെങ്കിലും ഫലമുണ്ടായില്ല. ശമ്പള വർധനവിൽ കൃത്യമായ ഉറപ്പ് ലഭിക്കാത്തതോടെയാണ് സമരത്തിലേക്ക് കടക്കാൻ വ്യാപാരികൾ തീരുമാനിച്ചത്. അതേസമയം, സമരത്തെ ശക്തമായി നേരിടാനാണ് സർക്കാർ തീരുമാനം. അടച്ചിടുന്ന കടകൾ ഏറ്റെടുക്കുമെന്ന് ഭക്ഷ്യ മന്ത്രി ജി.ആർ. അനിൽ അറിയിച്ചു. ചൊവ്വാഴ്ച മുതൽ സഞ്ചരിക്കുന്ന റേഷൻ കടകൾ നിരത്തിലിറക്കുമെന്നും മന്ത്രി കൂട്ടിച്ചേർത്തു. വ്യാപാരികൾ കട തുറക്കുമെന്നാണ് പ്രതീക്ഷയെന്നും മന്ത്രി വ്യക്തമാക്കി.

തിരുവനന്തപുരം: സംസ്ഥാനത്ത് ദിനം പ്രതി ചൂടുകൂടുന്ന സാഹചര്യത്തിൽ ആശ്വാസ വാർത്തയുമായി കലാവസ്ഥ വകുപ്പ്. വ്യാഴാഴ്ചയോടെ സംസ്ഥാനത്ത് മഴ സജീവമാവുമെന്നാണ് കലാവസ്ഥ വകുപ്പിന്‍റെ പ്രവചനം. വ്യാഴാഴ്ച 2 ജില്ലകളിൽ യെലോ അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, ഇടുക്കി ജില്ലകളിലാണ് വ്യാഴാഴ്ച യെലോ അലർട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാവുന്ന സാഹചര്യമുണ്ടെന്നാണ് കാലാവസ്ഥ വകുപ്പ് പറയുന്നത്.