മണിപ്പൂർ കലാപം; ബി.ജെ.പി സർക്കാരുകളുടെ കെടുകാര്യസ്ഥതയാണ് മണിപ്പൂരിലെ സ്ഥിതി വഷളാക്കിയതെന്ന് പ്രതിപക്ഷം
ന്യൂഡൽഹി: മണിപ്പൂർ സംഘർഷത്തിന്‍റെ പേരിൽ പാർലമെന്‍റിന് അകത്തും പുറത്തും പ്രതിപക്ഷം നടത്തിവരുന്ന വിമർശനം നേരിടാൻ കേന്ദ്ര സർക്കാർ തയാറെടുപ്പ് നടത്തുന്നു. കോൺഗ്രസ് ഭരണകാലത്ത് മണിപ്പൂരിലുണ്ടായ സംഘർഷങ്ങളുടെ കണക്ക് നിരത്തി പ്രതിരോധിക്കാനാണ് ശ്രമം. സംസ്ഥാനവും കേന്ദ്രവും ഭരിക്കുന്ന ബി.ജെ.പി സർക്കാരുകളുടെ കെടുകാര്യസ്ഥതയാണ് മണിപ്പൂരിലെ സ്ഥിതി വഷളാക്കിയതെന്ന ആരോപണമാണ് പ്രതിപക്ഷം ഉന്നയിക്കുന്നത്. ഇതിനു മറുപടിയായി, സംഘർഷത്തിനു ശമനമുണ്ടാക്കിയെന്ന കണക്കുകളൊന്നും കാണിക്കാൻ സർക്കാരിന്‍റെ പക്കലില്ല. പകരം, 1993 മുതൽ 1998 വരെ നാഗാ – കുകി വിഭാഗങ്ങൾ തമ്മിലുണ്ടായ സംഘർഷങ്ങൾ …
