Kerala news

തിരുവനന്തപുരം: നിയമസഭ സമ്മേളനത്തിൻറെ തുടക്കം മുതൽ പ്രതിഷേധവുമായി പ്രതിപക്ഷം രംഗത്തെത്തെത്തി. കഴിഞ്ഞ ദിവസങ്ങളിൽ നടന്ന സംഭവങ്ങളിൽ വാദികൾ പ്രതികളായെന്ന് പ്രതിപക്ഷ നേതാവ് വിഡി സതീശൻ പറഞ്ഞു. ഏഴ് എംഎൽഎമാരെ ജാമ്യമില്ലാ വകുപ്പ് പ്രകാരം പ്രതികളാക്കി കെസെടുത്ത സംഭവത്തിലാണ് പ്രതിപക്ഷം പ്രതിഷേധവുമായി രംഗത്തെത്തിയത്. ചോദ്യോത്തര വേളക്കിടയിലും പ്രതിപക്ഷം പ്രതിഷേധം തുടർന്നു. തുടർന്ന് സ്പീക്കർ പ്രതിപക്ഷ നേതാവിൻറെ മൈക്ക് ഓഫാക്കി. സഭയിൽ മുദ്രാവാക്യം വിളികളുമായാണ് പ്രതിപക്ഷം പ്രതിഷേധമുയർത്തിയത്. തുടർന്ന് ചോദ്യോത്തരവേള റദ്ദ് ചെയ്തു. വി.ശിവൻകുട്ടി നിയമസഭയിൽ എഴുന്നേറ്റ് ബഹളം വച്ചു. …

കഴിഞ്ഞ ദിവസങ്ങളിൽ നടന്ന സംഭവങ്ങളിൽ വാദികൾ പ്രതികളായെന്ന് പ്രതിപക്ഷ നേതാവ് Read More »

കോഴിക്കോട്: നേതൃത്വത്തോടുള്ള അതൃപ്തിയെ തുടർന്ന് ലോക്സഭയിലേക്കോ നിയമസഭയിലേക്കോ മത്സരിക്കാനില്ലെന്ന് പ്രഖ്യാപിച്ച കെ മുരളീധരന് പിന്തുണയുമായി ഫ്ലക്സ് ബോർഡുകൾ ഉയർന്നു. “നിങ്ങൾക്ക് വേണ്ടെങ്കിലും കേരള ജനത ഒറ്റക്കെട്ടായി പറയുന്നു ഞങ്ങൾക്ക് വേണം ഈ നേതാവിനെ” എന്നെഴുതിയ ഫ്ലക്സ് ബോർഡുകൾ കോഴിക്കോട് പ്രത്യക്ഷപ്പെട്ടു. കെപിസിസി അധ്യക്ഷൻറെ മുന്നറിയിപ്പ് നോട്ടീസ് കിട്ടിയതിന് പിന്നാലെ താൻ ഇനി മത്സരിക്കാനില്ലെന്ന് മുരളീധരൻ പ്രഖ്യാപിച്ചിരുന്നു. ഇതിനുപിന്നാലെയാണ് കോഴിക്കോട് നഗരത്തിൽ കോൺഗ്രസ് പോരാളികളെന്ന പേരിൽ ബോർഡുകൾ പ്രത്യക്ഷപ്പെട്ടത്.

തിരുവനന്തപുരം: സമാധാനപരമായി മുദ്രവാക്യം വിളിച്ച് പ്രതിഷേധിക്കുകയായിരുന്നു പ്രതിപഷത്തിന്‍റെ ഉദ്ദേശമെന്ന് എംഎൽഎ കെ കെ രമ. സ്പീക്കറുിടെ ഓഫീസിനു മുന്നിലിരുന്ന് പ്രതിഷേധിക്കുന്നതിനിടെ തിരുവഞ്ചൂർ രാധാകൃഷ്ണനോട് വാച്ച് ആന്‍റ് വാർഡ് അപമര്യാദയായി പെരുമാറിമാറുകയും തട്ടിക്കയറുകയും ചെയ്തു. ഇതേത്തുടർന്നാണ് സംഘർത്തിൽ കലാശിക്കുകയായിരുന്നു എന്ന് കെ കെ രമ പറഞ്ഞു. മാത്രമല്ല വാച്ച് ആന്‍റ് വാർഡ് തന്നെ വലിച്ചിഴച്ചെന്നും ഭരണപക്ഷ എംഎൽഎമാർ മോശമായി മുദ്രവാക്യം വിളിക്കുകയും ആക്രമിക്കുകയും ചെയ്തെന്ന് കെ കെ രമ ആരോപിച്ചു. അതേസമയം കെ കെ രമയുടെ അടിയന്തര പ്രമേയ …

ഭരണപക്ഷ എംഎൽഎമാർ മോശമായി മുദ്രവാക്യം വിളിക്കുകയും ആക്രമിക്കുകയും ചെയ്തെന്ന് കെ.കെ.രമ; ടി.പിയുടെ കുടുംബത്തെ ഇപ്പോഴും ആക്രമിക്കുകയാണെന്ന് വി.ഡി.സതീശൻ Read More »

കണ്ണൂർ: ചേലോറയിലെ മാലിന്യ സംസ്കരണത്തിനുള്ള കരാറിൽനിന്ന്‌ സോണ്ട ഇൻഫ്രാടെക്കിനെ മാറ്റാതിരിക്കാൻ മുഖ്യമന്ത്രിയുടെ ഓഫീസ്‌ ഇടപെട്ടുവെന്ന ആരോപണം വിഴുങ്ങി മേയർ. ഈ കമ്പനിയെ ഒഴിവാക്കാൻ തീരുമാനിച്ചത്‌ മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിലാണെന്നും മേയർ ടി ഒ മോഹനൻ ബുധനാഴ്‌ച വാർത്താസമ്മേളനത്തിൽ തുറന്നു സമ്മതിച്ചു. ബ്രഹ്‌മപുരം പശ്‌ചാത്തലത്തിൽ രാഷ്‌ട്രീയലക്ഷ്യംവച്ച്‌ ഉന്നയിച്ച, കമ്പനിക്ക്‌ കരാർ നൽകാനും ഒഴിവാക്കാതിരിക്കാനും മുഖ്യമന്ത്രിയുടെ ഓഫീസ്‌ ഇടപെട്ടുവെന്നുള്ള ആരോപണത്തിൽനിന്നാണ്‌ മേയർ മലക്കംമറിഞ്ഞത്‌. വകുപ്പുതലത്തിൽ സെക്രട്ടറി അയച്ചതായി പറയുന്ന ചില കത്തുകളെക്കുറിച്ചുമാത്രമാണ്‌ മേയർക്ക്‌ ഇപ്പോൾ പറയാനുള്ളത്‌. നയപരമായ തീരുമാനങ്ങൾ …

‘സോണ്ട ഇൻഫ്രാടെക്കിനെ ഒഴിവാക്കാൻ തീരുമാനിച്ചത്‌ മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിൽ’; മേയർ ടി.ഒ.മോഹനൻ Read More »

തിരുവനന്തപുരം: ബ്രഹ്മപുരം മാലിന്യ സംസ്‌കരണ പ്ലാന്റിൽ മുൻവർഷങ്ങളിൽ നാല്‌ തവണ തീപിടിത്തമുണ്ടായതായി മുഖ്യമന്ത്രി പിണറായി വിജയൻ. വേർതിരിക്കാതെ മാലിന്യം നിക്ഷേപിക്കുന്ന അശാസ്‌ത്രീയ രീതിയാണ്‌ ഒരു ദശകത്തിലധികമായി ബ്രഹ്മപുരത്ത്‌. മാലിന്യ സംസ്‌കരണ കേന്ദ്രത്തിനായി ഇതുവരെ 121 ഏക്കർ ഭൂമിയാണ് കോർപറേഷൻ ഏറ്റെടുത്തത്. 2006ലെ എൽഡിഎഫ്‌ സർക്കാർ 100 കോടി രൂപ ഭൂമി ഏറ്റെടുക്കാൻ അനുവദിച്ചു. തുടക്കത്തിൽ മാലിന്യം തരംതിരിച്ചാണ് എത്തിച്ചിരുന്നത്. 2009 ൽ മികച്ച സീറോ വേസ്റ്റ് നഗരത്തിനുള്ള പുരസ്‌കാരവും കൊച്ചിക്ക്‌ ലഭിച്ചു. 2010 നു ശേഷം ജനപങ്കാളിത്തത്തോടെയുള്ള …

വേർതിരിക്കാതെ മാലിന്യം നിക്ഷേപിച്ചു, മുൻവർഷങ്ങളിൽ നാല്‌ തവണ തീപിടിത്തമുണ്ടായതായി മുഖ്യമന്ത്രി Read More »

തിരുവനന്തപുരം: പ്രതിപക്ഷ നേതാവ് വി.ഡി.സതീശന്റെ നട്ടെല്ല് ആർ.എസ്.എസിന് പണയം വച്ചെന്ന് മന്ത്രി മുഹമ്മദ് റിയാസ്. പേരിന് വേണ്ടി ബി.ജെ.പിക്കെതിരെ ഫോട്ടോഷൂട്ട് സമരം നടത്തിയിട്ട് കാര്യമില്ല. സമരം ചെയ്‌തതിന്റെ പത്രകട്ടിങ് കാണിക്കേണ്ടി വരുന്നത് പ്രതിപക്ഷ നേതാവിന്റെ ഗതികേടാണെന്നും അദ്ദേഹം പറഞ്ഞു. രാഷ്‌ട്രീയപരമായി ചോദ്യത്തെ നേരിടാൻ പറ്റാത്തത് കൊണ്ട് വ്യക്തിപരമായി മന്ത്രിമാരെ ആക്രമിക്കയാണ്. പ്രതിപക്ഷ നേതാവ് പറയുന്നത് കേട്ട് മൂളിക്കൊണ്ടിരിക്കണം എന്നാണ് നിലപാട്. പ്രതിപക്ഷ നേതാവിന്റെ വാലാട്ടികളല്ല കേരളത്തിലെ മന്ത്രിമാർ. സതീശന്റെ താൻ പ്രമാണിത്വം വിലപ്പോകില്ല. സ്വന്തം പാർട്ടിയിൽ ചിലവാകാത്ത …

ബി.ജെ.പിക്കെതിരെ സമരം ചെയ്‌തതിന്റെ പത്രകട്ടിങ് കാണിക്കേണ്ടി വരുന്നത് പ്രതിപക്ഷ നേതാവിന്റെ ഗതികേടാണ്; മന്ത്രി മുഹമ്മദ് റിയാസ് Read More »

കോട്ടയം: മാലിന്യ നിർമാർജന പദ്ധതികളുടെ ഭാഗമായി ബയോമൈനിങ്ങിന്‌ കൊച്ചി കോർപറേഷൻ കോൺട്രാക്ട്‌ നൽകിയ കാര്യത്തിൽ മുൻ മേയർ ടോണി ചമ്മിണി സത്യവിരുദ്ധവും അടിസ്ഥാനരഹിതവുമായ ആരോപണങ്ങൾ ഉന്നയിച്ചതിനെതിരെ സിപിഐ എം മുതിർന്ന നേതാവ്‌ വൈക്കം വിശ്വൻ വക്കീൽ നോട്ടീസ്‌ അയച്ചു. സത്യവിരുദ്ധമായ കാര്യങ്ങൾ ടോണി ചമ്മിണി മനപ്പൂർവ്വം മാധ്യമങ്ങളിലൂടെ പ്രചരിപ്പിക്കുകയാണ്‌. ഇപ്രകാരമുള്ള വ്യാജ പ്രചാരണങ്ങൾ തന്റെ രാഷ്‌ട്രീയ ജീവിതത്തിൽ കരിനിഴൽ വീഴ്‌ത്തുന്നതും വ്യക്തിഹത്യ ചെയ്യുന്നതുമാണെന്ന്‌ അഡ്വ.വി.ജയപ്രകാശ്‌ വഴി അയച്ച നോട്ടീസിൽ വൈക്കം വിശ്വൻ വ്യക്തമാക്കി.

തിരുവനന്തപുരം: പ്രതിപക്ഷ ബഹളത്തെ തുടർന്ന് ചോദ്യോത്തരവേള റദ്ദാക്കി നിയമസഭ ഇന്നത്തേക്ക് പിരിഞ്ഞു. ശ്രദ്ധക്ഷണിക്കൽ സബ്‌മിഷൻ മറുപടികൾ സഭയുടെ മേശപ്പുറത്ത് വച്ചു. ഇന്നലെ സഭയിലുണ്ടായ സംഭവങ്ങൾ ചൂണ്ടിക്കാട്ടിയായിരുന്നു പ്രതിപക്ഷ പ്രതിഷേധം.ഇന്നലെ സഭയ്ക്ക് അകത്തും പുറത്തും ഉണ്ടായത് നിർഭാഗ്യകരമായ സംഭവമാണെന്നും കേരള ചരിത്രത്തിൽ ഉണ്ടാകാൻ പാടില്ലാത്ത സംഭവമാണുണ്ടായതെന്നും സ്‌പീക്കർ എ എൻ ഷംസീർ പറഞ്ഞു. ഇന്നലെ നടന്നത് ഗൗരവകരമായ സംഭവമാണെന്നും കക്ഷി നേതാക്കളുടെ യോഗം വിശദമായി അത് പരിശോധിച്ചിട്ടുണ്ടെന്നും സ്‌പീക്കർ വ്യക്തമാക്കി. സഭയുടെ നടത്തിപ്പിന് സഹകരിക്കണമെന്ന് പ്രതിപക്ഷത്തോട് സ്‌പീക്കർ ആവശ്യപ്പെട്ടതിന് …

പ്രതിപക്ഷം സഭയുടെ നടത്തിപ്പിന് സഹകരിക്കണമെന്ന് സ്‌പീക്കർ Read More »

കൊല്ലം: നിയമസഭയെ കയ്യാങ്കളിയുടെ വേദിയാക്കുന്ന പ്രതിപക്ഷത്തിന്റെ ജനാധിപത്യഹത്യക്കെതിരെ ശക്തമായ പ്രതിഷേധം ഉയരണമെന്ന് സിപിഐ എം സംസ്ഥാന സെക്രട്ടറി എം വി ​ഗോവിന്ദൻ. നേതൃത്വത്തിനെതിരെ രൂക്ഷ വിമർശനം ഉയരുന്ന ഘട്ടത്തിൽ കോൺഗ്രസ്‌ പാർടിയിൽ പ്രാമാണിത്തവും അധികാരവും സ്ഥാപിക്കാൻ നിയസഭയെ പ്രതിപക്ഷ നേതാവ്‌ കയ്യാങ്കളിയെുടെ വേദിയാക്കുകയാണ്‌. രാജ്യത്ത്‌ തന്നെ ഏറ്റവും കുടുതൽ ദിവസവും നന്നായും പ്രവർത്തിക്കുന്ന നിയമസഭയെ നോക്കുകുത്തിയായാക്കി നിർത്തയല്ല പാർടിക്കുള്ളിൽ അധികാരവും അംഗീകാരവും നേടേണ്ടേതെന്നും ജനകീയ പ്രതിരോധ ജാഥയുടെ ഭാഗമായി കൊല്ലത്ത് നടത്തിയ വാർത്താസമ്മേളനത്തിൽ അദ്ദേഹം പറഞ്ഞു.

തിരുവനന്തപുരം: സ്‌‌പീക്കറുടെ ഓഫീസിലേക്ക്‌ ഇരച്ചുകയറി വാച്ച്‌ ആൻഡ്‌ വാർഡുമാരെ മർദിച്ച കേസിൽ പ്രതിപക്ഷ എംഎൽഎമാർക്കെതിരെ കേസ്. നിത വാച്ച് ആൻറ് വാർഡ് നൽകിയ പരാതിയിലാണ് തിരുവനന്തപുരം മ്യൂസിയം പൊലീസ് കേസെടുത്തത്. റോജി എം ജോൺ, അനൂപ് ജേക്കബ്, പി കെ ബഷീർ, ഉമാ തോമസ്, കെ കെ രമ, ഐസി ബാല കൃഷ്‌ണൻ എന്നിവർക്കെതിരെയാണ് കേസ്. ഉദ്യോഗസ്ഥരെ ആക്ര മിക്കൽ, പരിക്കേൽപ്പിക്കൽ, ഭീഷണി, സംഘം ചേർന്നുള്ള ആക്രമണം തുടങ്ങിയ കുറ്റങ്ങളാണ് ചുമത്തിയിരിക്കുന്നത്. അതേസമയം ചാലക്കുടി എംഎൽഎ സനീഷിൻറെ …

വാച്ച് ആൻറ് വാർഡ് നൽകിയ പരാതിയിൽ പ്രതിപക്ഷ എം.എൽ.എമാർക്കെതിരെ കേസ് Read More »

കൊച്ചി: കോർപ്പറേഷന് മുന്നിലെ കോൺഗ്രസ് ഉപരോധത്തിൽ ഉന്തും തള്ളും. വഴി തടഞ്ഞ് സമരം അനുവദിക്കില്ലെന്ന് പൊലീസ് അറിയിച്ചതാണ് കോൺ​ഗ്രസ് പ്രവർച്ചകരെ ചൊടിപ്പിച്ചത്. ജീവനക്കാരെ ഉൾപ്പെടെ ആരെയും ഓഫീസിലേക്ക് പ്രവേശിപ്പിക്കില്ലെന്ന് ഡിസിസി പ്രസിഡന്റ് മുഹമ്മദ് ഷിയാസ് പറഞ്ഞു. ഓഫീസിലേക്ക് എത്തുന്ന ജീവനക്കാരെ കടത്തിവിടില്ലെന്നാണ് കോൺഗ്രസ് പ്രവർത്തകരുടെ നിലപാട്. എന്നാൽ, ഇത് അനുവദിക്കാനാവില്ലെന്നും ഓഫീസിന്റെ വഴിയടച്ചുള്ള സമരം പാടില്ലെന്നും പൊലീസും അറിയിക്കുകയായിരുന്നു. കോർപ്പറേഷൻ ഓഫീസിന് മുന്നിൽ പന്തൽകെട്ടിയാണ് കോൺഗ്രസ് സമരം നടത്തുന്നത്. ബ്രഹ്മപുരം മാലിന്യ പ്രശ്‌നത്തിൽ കോർപ്പറേഷൻ മേയർ രാജിവെക്കണമെന്ന് …

വഴി തടഞ്ഞ് സമരം അനുവദിക്കില്ലെന്ന് പൊലീസ് Read More »

തിരുവനന്തപുരം: നിയമസഭയിൽ ബോധപൂർവം സംഘർഷം സൃഷ്‌ടിക്കുകയും വാച്ച് ആൻഡ് വാർഡുമാരെ ആക്രമിക്കുകയും ചെയ്‌തശേഷം വ്യാജപ്രചരണവുമായി യു.ഡി.എഫ്. എം.എൽ.എമാരെ വാച്ച് ആൻഡ് വാർഡുമാർ കൈയേറ്റം ചെയ്തെന്നാണ് പ്രതിപക്ഷ നേതാവ് വി.ഡി.സതീശൻ ആരോപിച്ചത്. സഭയിലെ മുതിർന്ന അം​ഗമായ തിരുവഞ്ചൂർ രാധാകൃഷ്‌ണനെ ചീഫ് മാർഷലിന്റെയും ഡെപ്യൂട്ടി ചീഫ് മാർഷലിന്റെയും നേതൃത്വത്തിൽ ആക്രമിച്ചെന്ന് സതീശൻ വാർത്താ സമ്മേളനത്തിൽ പറഞ്ഞു. എന്നാൽ സതീശൻ പറഞ്ഞത് പച്ചക്കള്ളമാണെന്ന് തിരുവഞ്ചൂരിന്റെ വാദം തന്നെ തെളിയിക്കുന്നു. സതീശന്റെ വാർത്താസമ്മേളനത്തിന് മണിക്കൂറുകൾക്ക് മുൻപായി മാധ്യമപ്രവർത്തകരോട് ഫോണിൽ സംസാരിക്കവെ, തന്നെ ആരും …

തിരുവഞ്ചൂർ രാധാകൃഷ്‌ണനെ വാച്ച് ആൻഡ് വാർഡുമാർ ആക്രമിച്ചെന്ന് വി.ഡി.സതീശൻ Read More »

കണ്ണൂർ: അപകീർത്തികരമായ ആരോപണം ഉന്നയിച്ചതിന്‌ സി.പി.ഐ(എം) സംസ്ഥാന സെക്രട്ടറി എം.വി ഗോവിന്ദൻ സ്വർണ്ണക്കള്ളക്കടത്ത്‌ കേസിലെ പ്രതി സ്വപ്‌ന സുരേഷിന്‌ വക്കീൽ നോട്ടീസ്‌ അയച്ചു. ഒരു കോടി രൂപ നഷ്‌ടപരിഹാരം നൽകണമെന്നും ആരോപണം പിൻവലിച്ച്‌ മാപ്പ് പറയണമെന്നും ആവശ്യപ്പെട്ട്‌ തളിപ്പറമ്പിലെ അഭിഭാഷകൻ നിക്കോളാസ്‌ ജോസഫ്‌ മുഖേനയാണ്‌ നോട്ടീസ്‌ അയച്ചത്‌. മാർച്ച്‌ 9ന്‌ ഫേസ്‌ബുക്ക്‌ ലൈവിലൂടെയാണ്‌ സ്വപ്‌ന സുരേഷ്‌ ആരോപണം ഉന്നയിച്ചതെന്ന്‌ നോട്ടീസിൽ ചൂണ്ടിക്കാട്ടി. മുഖ്യമന്ത്രിക്കും കുടുംബത്തിനും എതിരായ മുഴുവൻ ആരോപണവും പിൻവലിക്കണമെന്ന്‌ ആവശ്യപ്പെട്ടും പ്രതിഫലമായി 30 കോടി രൂപ …

‘ഒരു കോടി രൂപ നഷ്‌ടപരിഹാരം, ആരോപണം പിൻവലിച്ച്‌ മാപ്പ് പറയണം’; എം.വി ഗോവിന്ദൻ Read More »

കോഴിക്കോട്: ഞെളിയപറമ്പ് സംസ്ക്കരണ പ്ലാന്‍റ് വിഷയം നാളെ ചേരുന്ന കോർപ്പറേഷൻ കൗൺസിലിൽ വിശദീകരിക്കുമെന്ന് കോഴിക്കോട് മേയര്‍ ഡോക്ടര്‍ ബീന ഫിലിപ്പ്. ഈ വിഷയം ഇന്നു ചേർന്ന യോഗത്തിൽ ചർച്ച ചെയ്യണമെന്ന് പ്രതിപക്ഷം ആവശ്യപ്പെട്ടിരുന്നു. കെഎസ്ഐഡിസിക്ക് നല്‍കിയ 12 ഏക്കര്‍ അറുപത്തേഴ് സെന്‍റ് ഭൂമി തിരിച്ചെടുക്കണമെന്നും സോണ്‍ട കമ്പിക്ക് നല്‍കിയ കരാര്‍ റദ്ദാക്കണമെന്നുമാണ് പ്രതിപക്ഷത്തിന്‍റെ ആവശ്യം. ഞെളിയമ്പറമ്പിനെ മറ്റൊരു ബ്രഹ്മപുരമാക്കരുതെന്നും പ്രതിപക്ഷം പറഞ്ഞു. എന്നാല്‍ ഞെളിയന്‍പറമ്പ് വിഷയം കൃത്യമായി വിലയിരുത്തിയ ശേഷം നാളെ ചേരുന്ന കൗണ്‍സിലില്‍ വിശദീകരിക്കാമെന്ന് മേയര്‍ …

ഞെളിയപറമ്പ് സംസ്ക്കരണ പ്ലാന്‍റ് വിഷയം; കോർപ്പറേഷൻ കൗൺസിലിൽ വിശദീകരിക്കുമെന്ന് കോഴിക്കോട് മേയര്‍ Read More »

തിരുവനന്തപുരം: മുഹമ്മദ് റിയാസിനെതിരായ പ്രതിപക്ഷ നേതാവ് വി.ഡി.സതീശൻ പരാമർശത്തിന് മറുപടിയുമായി മന്ത്രി വി.ശിവൻകുട്ടി. മാനേജ്മെന്‍റ് കോട്ടയിൽ മന്ത്രി സ്ഥാനം കിട്ടിയ മന്ത്രി എന്നായിരുന്നു സതീശന്‍റെ പരാമർശം. സതീശന്‍റെ ഗുഡ് സർട്ടിഫിക്കറ്റ് എനിക്കു വേണ്ടെന്ന് അതിന് റിയാസ് മറുപടി നൽകിയിരുന്നു. ഇതിനു പിന്നാലെയാണ് മുഹമ്മദ് റിയാസിന് പിന്തുണയുമായി ശിവൻകുട്ടിയുടെ ഫെയ്സ് ബുക്ക് പോസ്റ്റ്. റിയാസിന്‍റെ രാഷ്ട്രീയ പാരമ്പര്യത്തെ സംശയിക്കുന്നവർക്ക് ഇതൊന്ന് ഓടിച്ചു വായിച്ചു നോക്കാം എന്ന കുറിപ്പോടെയാണ് പോസ്റ്റ്. റിയാസ് സമരത്തിൽ പങ്കെടുക്കുന്ന ചിത്രം പങ്കു വച്ചാണ് അദ്ദേഹത്തിന്‍റെ …

വി.ഡി.സതീശന്റെ പരാമർശത്തിനെതിരെ മന്ത്രി വി.ശിവൻകുട്ടിയുടെ ഫെയ്സ് ബുക്ക് പോസ്റ്റ് Read More »

പത്തനംത്തിട്ട: പ്രതിപക്ഷ നേതാവ് വി.ഡി.സതീശനെതിരെ ആരോഗ്യമന്ത്രി വീണാ ജോർജ്. സ്ത്രീകളെ പുച്ഛത്തോടെ കാണുകയും പരിഹസിക്കുകയും ചെയ്യുന്ന പ്രതിപക്ഷനേതാവ്, സ്ത്രീകൾക്ക് വേണ്ടി സംസാരിക്കാനുണ്ടെന്ന് പറയുന്നത് എത്ര കാപട്യമാണ്. പ്രതിപക്ഷനേതാവിൻറെ കാപട്യ മുഖമാണ് ഇന്ന് സഭയിൽ കണ്ടതെന്നും ആരോഗ്യമന്ത്രി വിമർശിച്ചു. സ്ത്രീകളെ അധിക്ഷേപിച്ചതിനു ശേഷം ഞാൻ അങ്ങനെയൊന്നും പറഞ്ഞിട്ടില്ലെന്ന് പറയുന്നതാണ് അദ്ദേഹത്തിൻറെ സ്ഥിരം രീതിയെന്നും വീണാ ജോർജ് കുറ്റപ്പെടുത്തി. ഇതുവരെ കണ്ടിട്ടില്ലാത്ത പ്രതിഷേധങ്ങൾക്കും സംഘർഷത്തിനുമാണ് നിയമസഭ സാക്ഷിയായത്. അടിയന്തരപ്രമേയ നോട്ടീസ് തുടർച്ചയായി നിരാകരിച്ചതിനെത്തുടർന്ന് പ്രതിപക്ഷം സ്പീക്കറുടെ ഓഫീസ് ഉപരോധിച്ചു. ഇതോടെ …

സ്ത്രീകളെ പുച്ഛത്തോടെ കാണുകയും പരിഹസിക്കുകയും ചെയ്യുന്ന പ്രതിപക്ഷനേതാവ്, സ്ത്രീകൾക്ക് വേണ്ടി സംസാരിക്കാനുണ്ടെന്ന് പറയുന്നത് എത്ര കാപട്യമാണെന്ന് മന്ത്രി വീണാ ജോർജ് Read More »

തിരുവനന്തപുരം: പ്രതിപക്ഷ നേതാവ് വി.ഡി.സതീശൻറെ പ്രസ്താവനയ്ക്കെതിരെ ആഞ്ഞടിച്ച് മന്ത്രി മുഹമ്മദ് റിയാസ്. സതീശൻറെ ഗുഡ് സർട്ടിഫിക്കറ്റ് തനിക്ക് വേണ്ടെന്നും ബി.ജെ.പിയുടെ മുദ്രവാക്യങ്ങൾ ഏറ്റുപിടിച്ചാണ് അദ്ദേഹം മുന്നോട്ട് പോകുന്നതെന്നും മുഹമ്മദ് റിയാസ് ആരോപിച്ചു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു മന്ത്രി. ബിജെപിക്കെതിരെ ശബ്ദം ഉയർത്താൻ അദ്ദേഹം തയാറല്ല. പാചകവാതക വില വർധിച്ചപ്പോഴും കേന്ദ്ര ബജറ്റിൽ സംസ്ഥാനത്തെ അവഗണിച്ചപ്പോഴും അദ്ദേഹം നിശബ്ദനായിരുന്നു. ഒരു രാഷ്ട്രീയ പാർട്ടിയുടെ നേതാവായി നിൽക്കുകയാണെങ്കിലും അതിലുള്ള എംഎൽഎമാരെ വഞ്ചിക്കുന്ന നിലപാടാണ് പ്രതിപക്ഷ നേതാവ് സ്വീകരിക്കുന്നതെന്നും മന്ത്രി കൂട്ടിച്ചേർത്തു.

തിരുവനന്തപുരം: സ്പീക്കറെ പരിഹാസപാത്രമാക്കാനുളള കുടുംബ അജൻഡയുടെ ഭാഗമാണിതെന്നു പ്രതിപക്ഷ നേതാവ് വി.ഡി.സതീശൻ. എത്ര വലിയ പിആർ വർക്ക് നടത്തിയിട്ടും മരുമകൻ സ്പീക്കറോടൊപ്പം എത്തുന്നില്ല എന്നുള്ള ആധിയാണ് സ്പീക്കറെ പരിഹാസപാത്രമാക്കി, പ്രതിപക്ഷത്തിൻറെ ശത്രുവാക്കി മാറ്റാനുള്ള ശ്രമം. നിയമസഭാ നടപടിക്രമങ്ങൾ അട്ടിമറിക്കാൻ മുഖ്യമന്ത്രിയുടെ നേതൃത്വത്തിൽ നടക്കുന്ന കുടുംബ അജൻഡയാണ് സഭയിൽ നടക്കുന്നതെന്നും പ്രതിപക്ഷ നേതാവ് ആരോപിച്ചു. ദൗർഭാഗ്യകരമായ സംഭവങ്ങളാണു കേരള നിയമസഭയുടെ അകത്തും, സ്പീക്കറുടെ ഓഫീസിനു മുന്നിലും നടന്നത്. തുടർച്ചയായി നിസാരമായ കാരണങ്ങൾ പറഞ്ഞുകൊണ്ട്, പ്രതിപക്ഷം കൊണ്ട് വന്ന അടിയന്തരപ്രമേയത്തിനുള്ള …

നിയമസഭാ നടപടിക്രമങ്ങൾ അട്ടിമറിക്കാൻ മുഖ്യമന്ത്രിയുടെ നേതൃത്വത്തിൽ കുടുംബ അജൻഡയാണ് സഭയിൽ നടക്കുന്നതെന്ന് വി.ഡി.സതീശൻ Read More »

കോന്നി: കേരളത്തെ സംരക്ഷിക്കാനുള്ള ഉത്തരവാദിത്തം ഇടതുപക്ഷ ജനാധിപത്യ മുന്നണിയുടെ മാത്രമല്ല, അവരെ അധികാരത്തിലെത്തിച്ച മൂന്നരക്കോടി ജനങ്ങളുടേതുമാണെന്നാണ്‌ സി.പി.ഐ.എം ജനകീയ പ്രതിരോധ ജാഥയിലെ വലിയ ജനപങ്കാളിത്തം സൂചിപ്പിക്കുന്നതെന്ന്‌ ജാഥാ മാനേജർ ഡോ.പി.കെ.ബിജു പറഞ്ഞു. സ്വീകരണ കേന്ദ്രങ്ങളിൽ സംസാരിക്കുകയായിരുന്നു അദ്ദേഹം. 2025ൽ ആർ.എസ്‌.എസിന്റെ നൂറാം വാർഷികമാണ്‌. 2024ൽ വീണ്ടും അധികാരത്തിൽ വന്നാൽ ഇന്ത്യയെ ഹിന്ദുത്വ രാഷ്‌ട്രമായി പ്രഖ്യാപിക്കുമെന്ന്‌ അവർ പറയുന്നു. മറ്റ്‌ മതക്കാർ സൗദിയിലേക്കും റോമിലേക്കും പാകിസ്ഥാനിലേക്കും പോകണമെന്നും സംഘപരിവാർ പറയുന്നു. സ്വാതന്ത്ര്യ ലബ്‌ധിക്കായി ജീവത്യാഗം ചെയ്‌തവരുടെ പിന്തുടർച്ചക്കാരോടാണ്‌ നിങ്ങൾ …

2024ൽ വീണ്ടും അധികാരത്തിൽ വന്നാൽ ഇന്ത്യയെ ഹിന്ദുത്വ രാഷ്‌ട്രമായി പ്രഖ്യാപിക്കുമെന്ന്‌ ആർ.എസ്‌.എസ് പറയുന്നു; ഡോ.പി.കെ.ബിജു Read More »

തിരുവനന്തപുരം: നിയമസഭയിൽ അസാധാരണ പ്രതിഷേധവുമായി പ്രതിപക്ഷം. സ്പീക്കർ എ.എൻ.ഷംസീറിന്‍റെ ഓഫീസ് പ്രതിപക്ഷ എം.എൽ.എമാർ ഉപരോദിച്ചതോടെ വാച്ച് ആൻഡ് വാർഡ് അംഗങ്ങളുമായി സംഘർഷം ഉണ്ടായി. ഇതിനിടയിൽ സ്പീക്കർ ഓഫീസിൽ പ്രവേശിച്ചു. പ്രതിപക്ഷ എം.എൽ.എമാരുടെ അവകാശങ്ങൾ സ്പീക്കർ നിരന്തരം നിഷേധിക്കുന്നെന്ന് ആരോപിച്ചായിരുന്നു പ്രതിഷേധം. എം.എൽ.എമാരെ വാച്ച് ആൻഡ് വാർഡ് വലിച്ചിഴച്ചു. സംഘർഷത്തിനിടെ കോൺഗ്രസ് എം.എൽ.എ ടി.ജെ.സനീഷ് കുമാർ ജോസഫ് കുഴഞ്ഞു വീണു. ഇദ്ദേഹത്തെ ഉടൻ തന്നെ പ്രതിഷേധം നടന്ന സ്ഥലത്ത് നിന്നും മാറ്റി. മുതിർന്ന നേതാവും എം.എൽ.എയുമായ തിരുവഞ്ചൂർ രാധാകൃഷ്ണനെ …

പ്രതിപക്ഷവും വാച്ച് ആൻഡ് വാർഡ് അംഗങ്ങളുമായി സംഘർഷം; എം.എൽ.എ ടി.ജെ.സനീഷ് കുമാർ ജോസഫ് കുഴഞ്ഞു വീണു Read More »

ന്യൂഡൽഹി: കെ.പി.സി.സി പ്രസിഡൻറ് കെ.സുധാകരനെതിരെ പൊട്ടിത്തെറിച്ച് എം.പിമാരായ എം.കെ രാഘവനും കെ.മുരളീധരനും. ദേശീയ സംഘടനാകാര്യ ജനറൽ സെക്രട്ടറി കെ.സി വേണുഗോപാൽ വിളച്ച യോഗത്തിലായിരുന്നു എം.പിമാരുടെ പ്രതികരണം. അപമാനിതരായി മത്സരിക്കാനില്ലെന്ന ഇവരുടെ പ്രതികരണത്തെ മറ്റ് എം.പിമാർ കൂടി പിന്തുണച്ചതോടെ തെറ്റിദ്ധാരണകൾ നീക്കാമെന്ന് കെ.സുധാകരൻ ഉറപ്പു നൽകി. കെ മുരളീധരനും എം.കെ സുധാകരനും എതിരെ അച്ചടക്ക നടപടിയുടെ പേരിൽ കെ.പി.സി.സി പ്രസിഡൻറ് അയച്ച കത്ത് പിൻവലിക്കാനും യോഗത്തിൽ തീരുമാനമായി. കത്തയച്ചത് ഉചിതമായി നടപടിയല്ലെന്ന എം.പിമാരുടെ പ്രതികരണത്തിനു പിന്നാലെ കത്ത് പിൻവലിക്കാൻ …

അപമാനിതരായി മത്സരിക്കാനില്ലെന്ന് എം.കെ രാഘവനും കെ.മുരളീധരനും; തെറ്റിദ്ധാരണകൾ നീക്കാമെന്ന് കെ.സുധാകരൻ Read More »

സ്വപ്ന സുരേഷിന്‍റെ ആരോപണങ്ങൾ തള്ളി വ്യവസായി എം.എ.യൂസഫലി. പാവപ്പെട്ടവർക്കു വേണ്ടി നിലകൊള്ളുമ്പോൾ ഇത്തരത്തിലുള്ള പല ആരോപണങ്ങളും കേൾക്കേണ്ടി വരും. അതു കൊണ്ടൊന്നും തന്നെ ഭയപ്പെടുത്താൻ കഴിയില്ലെന്നും അദ്ദേഹം വ്യക്തമാക്കി. ആരെങ്കിലുമൊക്കെ അതുമിതും പറയുന്നതു കൊണ്ടൊന്നും യാതൊരു കുഴപ്പവുമില്ല. സോഷ്യൽ മീഡിയയിൽ കുറ്റം പറയുന്നതിനെയും വ്യക്തിഹത്യ നടത്തുന്നതിനെയും ഭയപ്പെടുന്നില്ലെന്നും അദ്ദേഹം പറഞ്ഞു. നിയമപരമായി നേരിടണമെങ്കിൽ അതു ലീഗൽ വിഭാഗം നോകിക്കൊള്ളുമെന്നും യൂസഫലി പറഞ്ഞു. ലൈഫ് മിഷൻ കേസിൽ എൻഫോഴ്സ്മെന്‍റ് ഡയറക്‌ട്രേറ്റ് ചോദ്യം ചെയ്യാനായി യൂസഫലിയെ വിളിപ്പിച്ചു എന്ന വാർത്ത …

‘പാവപ്പെട്ടവർക്കു വേണ്ടി നിലകൊള്ളുമ്പോൾ ഇത്തരത്തിലുള്ള പല ആരോപണങ്ങളും കേൾക്കേണ്ടി വരും’; എം.എ.യൂസഫലി Read More »

തിരുവനന്തപുരം: സ്പീക്കർ എ.എൻ.ഷംസീർ നിയമസഭയിൽ നടത്തിയതു തെറ്റായ പരാമർശമാണെന്നു പ്രതിപക്ഷ നേതാവ് വി.ഡി.സതീ‌ശൻ. അദ്ദേഹം അതു പിൻവലിക്കണമെന്നും പ്രതിപക്ഷ നേതാവ് ആവശ്യപ്പെട്ടു. നിയമസഭയുടെ നടുത്തളത്തിലിറങ്ങി പ്രതിഷേധിച്ച എം.എൽ.എമാരോട് നിങ്ങൾ അടുത്ത പ്രാവശ്യം തോറ്റുപോകുമെന്നാണു സ്പീക്കർ പറയുന്നത്. മെമ്പർമാരുടെ അവകാശങ്ങൾ സംരക്ഷിക്കേണ്ടയാളാണു സ്പീക്കർ. സ്പീക്കറുടെ കസേരയിലാണ് ഇരിക്കുന്നതെന്ന് അദ്ദേഹം മറന്നു പോയെന്നും വി.ഡി.സതീശൻ പറഞ്ഞു.