Kerala news

കോഴിക്കോട്: പന്നിയങ്കരയിൽ റെയിൽവെ ട്രാക്കിലിരുന്ന് മദ്യപിച്ച രണ്ട് പേർ ട്രെയിൻതട്ടി മരിച്ചു. കല്ലായി റെയിൽവേ സ്റ്റേഷന് സമീപം രാവിലെ 8.30ഷാഫിഷാഫിയോടെയാണ് അപകടമുണ്ടായത്. ഉണ്ണിക്കൃഷ്ണൻ, കരുനാഗപള്ളി സ്വദേശി സുബൈർ എന്നിവരാണ് മരിച്ചത്. ഗുരുതരമായി പരിക്ക് പറ്റിയ കൊല്ലം സ്വദേശി ഷാഫി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.മദ്യപിക്കാനുപയോഗിച്ച കുപ്പിയും ക്ലാസും പ്രദേശത്ത് നിന്ന് പോലീസ് കണ്ടെടുത്തു. കോഴിക്കോട് നിന്നും ഷൊർണ്ണൂർ ഭാഗത്തേക്ക് പോകുന്ന ട്രെയിൻആണ് തട്ടിയത്.പോലീസും ഫോറൻസിക് വിഭാഗവും പ്രദേശത്ത് പരിശോധന നടത്തി വരികയാണ്.

തിരുവനന്തപുരം: എട്ടര ലക്ഷം രൂപ ശമ്പള കുടിശിക സംസ്ഥാന യുവജന കമ്മീഷൻ അധ്യക്ഷ ചിന്ത ജെറോമിന് അനുവദിച്ച് സർക്കാർ ഉത്തരവിറക്കിയത് കത്തിൻറെ അടിസ്ഥാനത്തിലാണെന്ന് ഉറപ്പായി. ചിന്ത കുടിശിക ആവശ്യപ്പെട്ട് കത്ത് നൽകിയത് പ്രിൻസിപ്പൽ സെക്രട്ടറി എം. ശിവശങ്കറിനായിരുന്നു. 22/8/2022 ലാണ് ഈ കത്ത് എം ശിവശങ്കർ തുടർ നടപടിക്കായി അയക്കുന്നത്. ഇതിൻറെ അടിസ്ഥാനത്തിൽ കുടിശിക അനുവദിച്ച് ഉത്തരവിറക്കുകയായിരുന്നു. 2017 ജനുവരി മുതൽ മുതൽ 2018 മെയ് വരെയുള്ള 17 മാസത്തെ ശമ്പളമാണ് മുൻകാല പ്രാബല്യത്തോടെ ചിന്തക്ക് കിട്ടുന്നത്. …

സർക്കാർ ശമ്പള കുടിശിക അനുവദിച്ചത് ചിന്ത ജെറോം നൽകിയ കത്തിൻറെ അടിസ്ഥാനത്തിൽ Read More »

തിരുവനന്തപുരം: കേരളത്തിൽ ഇന്നും ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥ വകുപ്പ്. തെക്കൻ കേരളത്തിൽ രാവിലെ മുതൽ മഴയ്ക്ക് സാധ്യതയുള്ളതായും മധ്യകേരളത്തിൽ ഒറ്റപ്പെട്ട മഴയ്ക്ക് സാധ്യതയുള്ളതായും കാലാവസ്ഥ വകുപ്പ് വ്യക്തമാക്കുന്നത്. തിരുവനന്തപുരം, കൊല്ലം, തൃശൂർ, മലപ്പുറം എന്നീ ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് മുന്നറിയിപ്പിൽ പറയുന്നു. ‘മാഡൻ ജൂലിയൻ ഓസിലേഷൻ’ എന്ന ചുഴലിക്കാറ്റും തുടർന്നുള്ള അന്തരീക്ഷസ്ഥിതിയും ഇപ്പോഴത്തെ മഴയ്ക്ക് കാരണം. ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ ജനങ്ങൾ അതീവ ജാഗ്രത പാലിക്കണമെന്നും ഇടിമിന്നലിൻറെ ലക്ഷണങ്ങൾ കണ്ടാൽ …

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത Read More »

തിരുവനന്തപുരം: യുവജന കമ്മീഷൻ അധ്യക്ഷ ചിന്ത ജെറോമിന് ശമ്പള കുടിശിക അനുവദിച്ച് ഉത്തരവിറങ്ങി. 17 മാസത്തെ ശമ്പള കുടിശികയായ 8.50 ലക്ഷം തുകയാണ് അനുവദിച്ചിരിക്കുന്നത്. ശമ്പള കുടിശിക ചിന്ത ജെറോം ആവശ്യപ്പെട്ടതിനെ തുടർന്നാണ് നടപടിയെന്ന് ഉത്തരവിൽ വ്യക്തമാക്കുന്നു. കായിക-യുവജന വകുപ്പ് പ്രിൻസിപ്പൽ സെക്രട്ടറി ശിവശങ്കർ ഐഎഎസ് ആണ് ഉത്തരവിറക്കിയത്. എന്നാൽ താൻ ശമ്പളതുക നൽകാൻ ആവശ്യപ്പെട്ടിട്ടില്ലെന്നായിരുന്നു നേരത്തെ ചിന്ത ജെറോം നേരത്തെ പ്രതികരിച്ചിരുന്നത്. താൻ ശമ്പള വർധനവ് ആവശ്യപ്പെട്ട് കത്ത് അയച്ചിട്ടുണ്ടെങ്കിൽ പുറത്ത് വിടാനും ചിന്ത മാധ്യമങ്ങളെ …

ചിന്ത ജെറോമിന് ശമ്പള കുടിശിക അനുവദിച്ച് ഉത്തരവിറങ്ങി Read More »

പത്തനംതിട്ട: സ്ഥലം ഈട് വച്ച് ലോൺ എടുക്കാൻ എത്തിയ വി എം ജോസഫിനാണ് കേരള ബാങ്ക് കുന്നന്താനത്തെ കെ റെയിൽ പദ്ധതി പ്രദേശത്ത് വായ്പ നിഷേധിച്ചത്. വായ്പ നൽകാൻ കഴിയില്ലെന്ന് ബാങ്ക് അധികൃതർ അറിയിച്ചു. സ്ഥലത്തിന്റെ വിശദാംശങ്ങൾ പരിശോധിച്ച ശേഷം പരിഗണിക്കാമെന്നാണ് പറഞ്ഞതെന്നാണ് കുന്നന്താനം ബ്രാഞ്ച് മാനേജറുടെ വിശദീകരണം. ധനകാര്യ മന്ത്രിയുടെ വാക്കിൽ പ്രതീക്ഷയർപ്പിച്ചാണ് വി എം ജോസഫ് കേരള ബാങ്കിന്റെ കുന്നന്താനം ശാഖയിൽ വായ്പക്ക് അപേക്ഷിക്കാൻ എത്തിയത്. എഞ്ചിനിയറിങ്ങ് വിദ്യാർത്ഥിയായ മകന്റെ പഠനത്തിനായി മൂന്ന് ലക്ഷം …

സ്ഥലം ഈട് വച്ച് ലോൺ എടുക്കാനെത്തി, കെ റെയിൽ പദ്ധതി പ്രദേശമായതിനാൽ വായ്പ നൽകില്ലെന്ന് ബാങ്ക് അധികൃതർ Read More »

കോഴിക്കോട്: ഒളവണ്ണ പഞ്ചായത്തിൽ ഹൈലൈറ്റ് ഗ്രൂപ്പിൻറെ പാർപ്പിട സമുച്ഛയ നിർമാണവുമായി ബന്ധപ്പെട്ട കൂടുതൽ ക്രമക്കേടുകൾ പുറത്ത്. പാർപ്പിട സമുച്ഛയത്തിലേക്ക് റോഡ് നിർമിച്ചത് തണ്ണീർതടം നികത്തിയെന്ന് കണ്ടെത്തിയ റവന്യൂ അധികൃതർ, നിർമാണം നിർത്തിവയ്ക്കാനായി നോട്ടീസ് നൽകി. എന്നാൽ ഇതും മറികടന്നാണിപ്പോൾ നിർമാണം പൊടിപൊടിക്കുന്നത്. നിർമാണത്തിലെ ക്രമക്കേടുകൾ ചൂണ്ടിക്കാട്ടി കോൺഗ്രസ് പ്രവർത്തകർ നൽകിയ ഹർജി കോഴിക്കോട് മുൻസിഫ് കോടതിയുടെ പരിഗണനയിലാണ്. കോഴിക്കോട് ഒളവണ്ണ പഞ്ചായത്തിലെ ഒളവണ്ണ വില്ലേജിൽ തവിട്ടേരിക്കുന്ന് ഉൾപ്പെടുന്ന ഭാഗത്താണ് ഹൈലൈറ്റ് ഗ്രൂപ്പിൻറെ പുതിയ പാർപ്പിട സമുച്ഛയം ഉയരുന്നത്. …

ഹൈലൈറ്റ് ഗ്രൂപ്പിൻറെ പാർപ്പിട സമുച്ഛയ നിർമാണം, ക്രമക്കേടുകൾ പുറത്ത് Read More »

അടൂർ: യൂത്ത് കോൺഗ്രസ് സംസ്ഥാന ജനറൽ സെക്രട്ടറി രാഹുൽ മാങ്കൂട്ടവും ജില്ലാ പ്രസിഡന്റ് എം ജി കണ്ണനും ജില്ലയിലെ യൂത്ത് കോൺഗ്രസിൽ ഒറ്റപ്പെടുന്നു. യുവ ചിന്തൻ ശിബിരത്തിൽ കണ്ണനെതിരെ കൊണ്ടുവന്ന പ്രമേയം പാസായത് രാഹുൽ മാങ്കൂട്ടത്തിനും എം ജി കണ്ണൻ പക്ഷത്തിനും വലിയ തിരിച്ചടിയായി. സർക്കാരിനും പൊതുമരാമത്ത് വകുപ്പിനുമെതിരെ യൂത്ത് കോൺഗ്രസ് കലക്‌ട്രേറ്റിലേക്ക് നടത്തിയ മാർച്ച് കലക്‌ടർ ദിവ്യാ എസ് അയ്യർക്കെതിരെ തിരിച്ചുവിട്ട എം ജി കണ്ണനെതിരെ രൂക്ഷ വിമർശനം ചിന്തൻ ശിബിരത്തിൽ ഉയർന്നിരുന്നു. ഇതിന്‌ പിന്നാലെ …

ചിന്തൻ ശിബിരത്തിൽ പാസാക്കിയ പ്രമേയം, രാഹുൽ മാങ്കൂട്ടവും എം ജി കണ്ണനും യൂത്ത് കോൺഗ്രസിൽ ഒറ്റപ്പെടുന്നു Read More »

കളമശേരി: അപ്പോളൊ ടയേഴ്സിൽ പ്ലാൻ്റിലുണ്ടായ പൊട്ടിത്തെറിയിൽ മൂന്ന് പേർക്ക് പരിക്കേറ്റു. ഓപ്പറേറ്റർ വിശ്വനാഥൻ (54), അസിസ്റ്റൻ്റ് ഓപ്പറേറ്റർ വർഗീസ് (40), അസിസ്റ്റൻ്റ് ഫോർമാൻ സാഗർ (29) എന്നിവർക്കാണ് പൊള്ളലേറ്റത്. തിങ്കൾ വൈകിട്ട് എട്ട് മണിയോടെയാണ് അപകടം. ടയർ നിർമ്മാണത്തിൻ്റെ അവസാനഘട്ടമായ ക്യൂറിങ് നടക്കുന്നതിനിടെ ക്യൂറിങ് പ്ലാൻ്റ് തുറന്നപ്പോൾ ബ്ലാഡർ പൊട്ടിത്തെറിക്കുകയും ഉയർന്ന ഊഷ്മാവിലുള്ള നീരാവിയും വെള്ളവും ചീറ്റിത്തെറിക്കുകയുമായിരുന്നു. മൂന്നു പേരെയും കിൻഡർ ആശുപത്രിയിൽ പ്രവേശിപ്പിച്ചു.

തിരുവനന്തപുരം: സംസ്ഥാനത്തെ ആദ്യ ലിക്വിഫൈഡ് കംപ്രസ്ഡ് നാച്വറൽ ഗ്യാസ് (എൽസിഎൻജി) പ്ലാന്റുകൾ പ്രവർത്തനം ആരംഭിച്ചു. തിരുവനന്തപുരം കൊച്ചുവേളിയിലും ആലപ്പുഴ ചേർത്തലയിലുമാണ്‌ പ്ലാന്റുകൾ. ഇതുവഴി തിരുവനന്തപുരം, ആലപ്പുഴ, കൊല്ലം ജില്ലകളിൽ വ്യാവസായിക ആവശ്യത്തിനും ഗാർഹിക ഉപയോഗത്തിനും എൽസിഎൻജി വിതരണം ചെയ്യാനാകും.ആദ്യഘട്ടത്തിൽ 30,000 വീട്ടിലും ഏകദേശം 150- വ്യവസായ, വാണിജ്യ യൂണിറ്റുകളിലും ദ്രവീകൃത ഇന്ധനം പൈപ്പ്‌ലൈനിലൂടെ എത്തും. സിറ്റി ഗ്യാസ് പദ്ധതിയുടെ ഭാഗമായി എജി ആൻഡ് പി പ്രഥം ആരംഭിച്ച പ്ലാന്റുകളുടെ ഉദ്‌ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു. …

എൽസിഎൻജി പ്ലാന്റുകൾ പ്രവർത്തനം ആരംഭിച്ചു Read More »

കണ്ണൂർ: തനിക്ക് കണ്ണൂർ സർവകലാശാലയിൽ പുനർനിയമനം നൽകിയത് യുജിസി ചട്ടങ്ങൾ പാലിച്ചാണെന്ന് വിസി ഡോ. ഗോപിനാഥ് രവീന്ദ്രൻ. തന്റെ നിയമനം നിയമവിധേയമാണെന്ന് വ്യക്തമാക്കി, അദ്ദേഹം സുപ്രീം കോടതിയിൽ സത്യവാങ്മൂലം സമർപ്പിച്ചു. യു ജി സി ചട്ടം പാലിച്ചാണ് ആദ്യം തന്നെ കണ്ണൂർ യൂണിവേഴ്സിറ്റിയിൽ വൈസ് ചാൻസിലറായി നിയമിച്ചത്. ഹർജിയിൽ ഗവർണർക്ക് വേണ്ടി അഭിഭാഷകൻ വെങ്കിട്ട് സുബ്രഹ്മണ്യം വക്കാലത്ത് സമർപ്പിച്ചു. പുനർ നിയമനത്തിന് വീണ്ടും അതേ നടപടികൾ പാലിക്കേണ്ടതില്ല. പ്രായപരിധി പുനർ നിയമനത്തിന് ബാധകമല്ല. ഒരു തവണ വിസിയായതിനാൽ …

കണ്ണൂർ സർവകലാശാലയിലെ പുനർനിയമനം യുജിസി ചട്ടങ്ങൾ പാലിച്ചെന്ന് വിസി ഡോ. ഗോപിനാഥ് രവീന്ദ്രൻ Read More »

കൊച്ചി: സംസ്ഥാനത്ത് റെക്കോർഡിട്ട് സ്വർണവില. പവന് 42,000 രൂപ കടന്നു. ഇന്ന് (24/01/2022) പവന് 280 രൂപ വർധിച്ച് വില 41,760 രൂപയായി. ഇതോടെ ഒരു പവൻ സ്വർണത്തിൻറെ വില 42,160 രൂപയായി. ഗ്രാമിന് 35 രൂപയാണ് വർധിച്ചത്. 5270 രൂപയാണ് ഒരു ഗ്രാം സ്വർണത്തിൻറെ വില. സംസ്ഥാനത്ത് ആദ്യമായാണ് സ്വർണവില 42,000 കടക്കുന്നത്. വരും ദിവസങ്ങളിലും വില ഉയരാനാണ് സാധ്യതയെന്നാണ് വിപണി വിദഗ്ധർ പ്രവചിക്കുന്നത്. കഴിഞ്ഞ ഒരു മാസമായി വില ഉയരുന്ന പ്രവണതയാണ് കാണുന്നത്. ഇന്നലെ …

സ്വർണവില, പവന് 42,000 കടന്നു Read More »

ധോണി: പി ടി ഏഴിനെ പിടികൂടിയതിന് പിന്നാലെ ധോണിയിൽ വീണ്ടും കാട്ടാനയിറങ്ങി. തിങ്കളാഴ്‌ച രാത്രിയോടെയാണ് കൊമ്പൻ അരിമണി ഭാ​ഗത്ത് ഇറങ്ങിയത്. വാഴയും തെങ്ങും നെല്ലും നശിപ്പിച്ച കൊമ്പൻ മണിക്കൂറുകളോളം ജനവാസമേഖലയിൽ തുടർന്നു. ധോണിയിൽ ക്യാമ്പ് ചെയ്യുന്ന ദ്രുതപ്രതികരണ സേന അരിമണിയിലെത്തി ആനയെ കാട്ടിലേക്ക് കയറ്റി. പി ടി ഏഴ് പിടിയിലായ അടുത്ത ദിവസം തന്നെ മറ്റൊരു കൊമ്പൻ ഇറങ്ങിയത് ധോണിയിലെ ജനങ്ങളെ ആശങ്കയിലാക്കി. പ്രദേശത്ത് ദ്രുതപ്രതികരണ സേന നിലയുറപ്പിച്ചിട്ടുണ്ട്. നാട്ടുകാർ ബഹളം വച്ചും പടക്കം പൊട്ടിച്ചും ആനയെ …

ധോണിയിൽ വീണ്ടും കാട്ടുകൊമ്പനിറങ്ങി കൃഷി നശിപ്പിച്ചു, ദ്രുതപ്രതികരണ സേന ആനയെ കാട്ടിലേക്ക് കയറ്റി Read More »

കൊച്ചി: കളമശ്ശേരിക്കടുത്ത് മഞ്ഞുമ്മലില്‍ മരപ്പൊത്തിൽ നിന്നും  12 വെടിയുണ്ടകള്‍ കണ്ടെത്തി. ഉപേക്ഷിക്കപ്പെട്ട നിലയിലാണ് വെടിയുണ്ടകൾ കണ്ടെത്തിയത്. നാട്ടുകാർ വിവരമറിയിച്ചതിനെ തുടർന്ന് പൊലീസ് എത്തി ഇവ മൂടിയിട്ടു. വെടിയുണ്ടകള്‍ക്ക് കാലപ്പഴക്കം ഉള്ളതായാണ് അധികൃതരുടെ പ്രാഥമിക നിഗമനം. പിസ്റ്റളില്‍ ഉപയോഗിക്കുന്ന തരം വെടിയുണ്ടകളാണ് ഇവ.  വെടിയുണ്ടകൾ എങ്ങനെ ഇവിടെയെത്തി എന്ന കാര്യം വ്യക്തമല്ല, പഴകിയ വെടിയുണ്ടകൾ ഉപേക്ഷിക്കുന്നതിന്‍റെ ഭാഗമായി നിക്ഷേപിച്ചതാവാം എന്നാണ് നിഗമനം. സാമൂഹികവിരുദ്ധരുടെ താവളമാണിത്. അതിനാൽ തന്നെ അധികൃതര്‍ ജാഗ്രതയിലാണ്.

അടിമാലി:  പിണറായി സർക്കാർ ഇടുക്കിയിലെ ജനങ്ങൾക്ക് നൽകിയ ഇടി തീയാണ്  ഒരു കിലോമീറ്റർ നിയന്ത്രണ മേഖലയെന്ന് പ്രതി പക്ഷ നേതാവ് വി.ഡി. സതീശൻ പറഞ്ഞു. 2015 മുതലുള്ള പിണറായി സർക്കാർ കാണിച്ച നിരുത്തരവാധിത്വപരമായ പ്രവർത്തനം കൊണ്ടാണ് നിയന്ത്രണ മേഖല എന്ന സുപ്രീം കോടതി വിധി വന്നതെന്നും പ്രതിപ ക്ഷ നേതാവ് പറഞ്ഞു. ഇടുക്കികിയി ലെഭൂ പ്രശനത്തിന് പരിഹാരം കാണണം എന്ന് ആവശ്യപ്പെട്ട് ഇടുക്കി എം.പി. ഡീൻ കുര്യാക്കോസ് നടത്തിയ സമര ജാഥയുടെ സമാപന സമ്മേളനം ഉദ്ഘാടനം ചെയ്ത് …

നിയന്ത്രണ മേഖല :- പിണറായി സർക്കാർ ഇടുക്കിയിലെ ജനങ്ങൾക്ക് നൽകിയ  ഇടി തീ: വി.ഡി. സതീശൻ. Read More »

കൊച്ചി: വീണ്ടും കേബിൾ കുരുങ്ങി ബൈക്ക് യാത്രികന് ഗുരുതര പരിക്ക്. മരട് സ്വദേശിയായ അനിൽ കുമാർ ഓടിച്ചിരുന്ന വാഹനം വെണ്ണലയിൽ ഇലട്രിക് പോസ്റ്റിലെ കേബിളിൽ കുടുങ്ങി ബൈക്ക് നിയന്ത്രണം വിട്ട് മറിയുകയായിരുന്നു. തലയ്ക്ക് പരിക്കേറ്റ അനിൽകുമാർ കോട്ടയം സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇത്തരത്തിലൊരു അപകടം ഉണ്ടാകുന്നത് ആദ്യമായല്ല. മുൻപും സമാനമായ സംഭവങ്ങൾ ഉണ്ടായിട്ടുണ്ട്. അപകടങ്ങൾ പെരുകിയിട്ടും കേബിളുകൾ നീക്കം ചെയ്യാനുള്ള നടപടികൾ ഉണ്ടായിട്ടില്ല.

തിരുവനന്തപുരം: കെ ആർ നാരായണൻ ഇൻസ്റ്റിറ്റ്യൂട്ടിലെ സമരം ഒത്തു തീർപ്പായതായി മന്ത്രി ആർ ബിന്ദു. അക്കാദമിക പ്രവർത്തനങ്ങൾ ഉടൻ ആരംഭിക്കുമെന്നും പുതിയ ഡയറക്‌ടറെ ഉടൻ കണ്ടെത്തുമെന്നും പറഞ്ഞ മന്ത്രി ഒഴിവുള്ള സംവരണ സീറ്റുകൾ ഉടൻ നികത്താനുള്ള നടപടികൾ സ്വീകരിക്കുമെന്നും കൂട്ടിച്ചേർത്തു. എന്നാൽ സംവരണ മാനദണ്ഡങ്ങൾ സർക്കാരാവും തീരുമാനിക്കുകയെന്നും മന്ത്രി വ്യക്തമാക്കി. കെ ആർ നാരായണൻ ഇൻസ്റ്റിറ്റ്യൂട്ടിലെ വിദ്യാർഥികൾ 50 ദിവസമായി നടത്തി വന്ന സമരത്തിനാണ് ഇപ്പോൾ പരിഹാരമായത്. ഉന്നത വിദ്യാഭാസമന്ത്രിയുമായി വിദ്യാർഥികൾ നടത്തിയ ചർച്ചയിലാണ് സമരം അവസാനിപ്പിക്കാൻ …

കെ ആർ നാരായണൻ ഇൻസ്റ്റിറ്റ്യൂട്ടിലെ സമരം ഒത്തു തീർപ്പായി, അക്കാദമിക പ്രവർത്തനങ്ങൾ ഉടൻ ആരംഭിക്കുമെന്ന് മന്ത്രി ആർ ബിന്ദു Read More »

വയനാട്: മുട്ടിൽ ഡബ്ല്യ.എം.ഒ കോളേജ് ബിരുദ വിദ്യാർത്ഥിനിയും കൽപ്പറ്റ സ്വദേശിനിയുമായ വിദ്യാർത്ഥിനി കെട്ടിടത്തിൽ നിന്നും താഴേക്ക് ചാടി ആത്മഹത്യയ്ക്ക് ശ്രമിച്ചു. കോളേജിലെ ഇരുപതുകാരിയാണ് മൂന്നുനില കെട്ടിടത്തിനു മുകളിൽ നിന്ന് താഴേക്ക് ചാടിയത്. കൽപ്പറ്റയിലെ സ്വകാര്യ ആശുപത്രിയിൽ പ്രവേശിപ്പിച്ച വിദ്യാർത്ഥിനിയെ വിദഗ്ധ ചികിത്സാർത്ഥം കോഴിക്കോട് മെഡിക്കൽ കോളേജിലേക്ക് മാറ്റി. നട്ടെല്ലിന് പൊട്ടൽ ഉണ്ടെന്നാണ് പ്രാഥമിക വിവരം. ആത്മഹത്യ സൂചന നൽകുന്ന ഇൻസ്റ്റാഗ്രാം റീലിട്ട ശേഷമാണ് കെട്ടിടത്തിൽ നിന്നും ചാടിയിരിക്കുന്നത്. എന്താണ് കാരണമെന്ന് വ്യക്തമല്ലെന്ന് പോലീസ് പറഞ്ഞു.