Kerala news

തൃശൂർ: മാളയിൽ ജനകീയ പ്രതിരോധ ജാഥയുടെ ഭാ​ഗമായി ചേർന്ന സമ്മേളനത്തിനിടെ മൈക്ക് ഓപ്പറേറ്ററെ ശകാരിച്ച വിഷയത്തിൽ മറുപടിയുമായി സി.പി.എം സംസ്ഥാന സെക്രട്ടറി എം.വി ഗോവിന്ദൻ. കോഴിക്കോടുള്ള ഏഷ്യാനെറ്റ് ന്യൂസ് ഓഫീസിലെ പൊലീസ് പരിശോധനയെപ്പറ്റി പറയുന്നതിനിടെ യുവാവ് മൈക്ക് ശരിയായി വയ്ക്കാനെത്തിയപ്പോൾ എം.വി ​ഗോവിന്ദൻ രോക്ഷാകുലനാവുകയായിരുന്നു. ‘ശകാരിച്ചതല്ല, പ്രസംഗത്തിനിടെ മൈക്കിനോട് ചേർന്ന് നിൽക്കാൻ പറഞ്ഞപ്പോൾ, അതെനിക്കറിയാമെന്ന് പറഞ്ഞതാണ്. മൈക്ക് ഉപയോഗിക്കുന്നതിൻറെ സാങ്കേതിക വശത്തെക്കുറിച്ച് പറഞ്ഞു മനസിലാക്കിയെന്നുമായിരുന്നു’ അദ്ദേഹത്തിന്റെ പ്രതികരണം.

തിരുവനന്തപുരം: സാമ്പത്തിക പ്രതിസന്ധിയുള്ളതിനാൽ ചിലവുകൾക്ക് നിയന്ത്രണം ഏർപ്പെടുത്തിയിട്ടുണ്ടെന്ന് ധനമന്ത്രി കെ.എൻ ബാലഗോപാൽ നിയമസഭയിൽ വ്യക്തമാക്കി. അനാവശ്യ ചെലവുകൾ കര്‍ശനമായി നിയന്ത്രിക്കും. വിദേശയാത്ര, വിമാനയാത്ര, ടെലിഫോൺ ചാ‍ര്‍ജ്ജ്, കെട്ടിടം മോടി പിടിപ്പിക്കൽ, വാഹനം വാങ്ങൽ എന്നിവക്ക് നിയന്ത്രണം ഏര്‍പ്പെടുത്തിയിട്ടുണ്ട്. നികുതി കുടിശിക പിരിക്കാൻ നടപടി ഊർജ്ജിതമാക്കി. വിവിധ ക്ഷേമ പെൻഷനുകൾക്കായി 11,101.92 കോടി രൂപ നടപ്പ് സാമ്പത്തിക വർഷം വകയിരുത്തിയിട്ടുണ്ട്. 2015-2016 സാമ്പത്തിക വർഷത്തിൽ ഇത് 3675.16 കോടി മാത്രമായിരുന്നുവെന്നും മന്ത്രി അറിയിച്ചു.

തിരുവനന്തപരം: നിയമസഭയിൽ വാൽക്ക് ഔട്ട് പ്രഖ്യാപിച്ച് കൊണ്ട് നടത്തിയ പ്രസംഗത്തിൽ ഭരണപക്ഷത്തെ കുറ്റപ്പെടുത്തി എംഎൽഎ പികെ ബഷീർ. മണി പവറും പൊളിറ്റിക്കൽ പവറുമുള്ള സി.പി.എം മീഡിയകളെ കൂടി പിടിച്ചെടുക്കാനുള്ള ശ്രമമാണ് നടത്തുന്നത്. നിങ്ങളെ പുകഴ്ത്തിയാൽ അവാർഡും നിങ്ങൾക്കെതിരെ തിരിഞ്ഞാൽ കേസും അറസ്റ്റും എന്നതാണ് അവസ്ഥ. സാങ്കേതികത്വം പറഞ്ഞ് മാധ്യമപ്രവർത്തകരെ കേസിൽ കുടുക്കാനുള്ള ശ്രമമാണെന്നും അദ്ദേഹം പറ‍ഞ്ഞു.

തിരുവനന്തപുരം: തന്നെ ലഹരിക്കടത്തിന് ഉപയോഗിച്ചു എന്ന് എട്ടാം ക്ലാസുകാരി വെളിപ്പെടുത്തിയ അഴിയൂർ ലഹരി കടത്ത് കേസിലെ പ്രതിയുടെ വാദത്തെ പിന്തുണച്ച് മുഖ്യമന്ത്രി. പൊലീസ് അന്വേഷണം നടത്തിവരുന്ന കേസിലെ പ്രതിയെയാണ് മുഖ്യമന്ത്രി നിയമസഭയിൽ നിരപരാധിയായി ന്യായീകരിച്ചത്. കോഴിക്കോട് റൂറൽ പൊലീസും മനുഷ്യാവകാശ കമ്മീഷന്റെ പ്രത്യേക സംഘവും കേസ് അന്വേഷിച്ചു വരികയാണ് നിലവിൽ. പ്രതിയെ അനുകൂലിച്ചു കൊണ്ടുള്ള മുഖ്യമന്ത്രിയുടെ പ്രതികരണം അന്വേഷണം പൂർത്തിയാകും മുമ്പാണ്.

തിരുവനന്തപുരം: കൊച്ചിയിലെ ഏഷ്യാനെറ്റ് ന്യൂസ് ഓഫീസിലേക്ക് അതിക്രമിച്ച് കയറിയ എസ്.എഫ്.ഐ നടപടിയിലും കോഴിക്കോട് ഓഫീസിലെ പൊലീസ് പരിശോധനക്കുമെതിരായി പ്രതിപക്ഷം കൊണ്ടുവന്ന അടിയന്തര പ്രമേയത്തിന് അനുമതി നിഷേധിച്ചതിൽ എതിർപ്പ് കാട്ടിയ പ്രതിപക്ഷം നിയമസഭയിൽ നിന്നിറങ്ങിപ്പോയി. മാധ്യമങ്ങൾ തെറ്റ് ചെയ്താൽ നടപടിയാകാം, പക്ഷെ ആ നടപടി പകപോക്കലിനുള്ള അവസരമാക്കരുതെന്നായിരുന്നു പ്രതിപക്ഷ നേതാവ് വി.ഡി സതീശന്റെ പ്രതികരണം. ലഹരിക്ക് എതിരായ ക്യാംപയിൻറെ ഭാഗമായാണ് ഏഷ്യാനെറ്റ് ന്യൂസ് വാർത്ത നൽകിയത്. കേസുണ്ട്, ചാർജ് ഷീറ്റുണ്ട്, പെൺകുട്ടിയുടെ അച്ഛന്റെ പരാതിയിൽ കേസ് എടുത്തതാണ്. ആരുടേയും …

മാധ്യമങ്ങൾ തെറ്റ് ചെയ്താൽ നടപടിയാകാം, പക്ഷെ ആ നടപടി പകപോക്കലിനുള്ള അവസരമാക്കരുതെന്ന് പ്രതിപക്ഷ നേതാവ് Read More »

തിരുവനന്തപുരം: കഴിഞ്ഞ ദിവസം ഏഷ്യാനെറ്റ് ന്യൂസിന്റെ കൊച്ചിയിലെ ഓഫീസിലേക്ക് എസ്.എഫ്.ഐ പ്രവര്‍ത്തകര്‍ അതിക്രമിച്ച് കയറിയ വിഷയം സഭയില്‍ ഉന്നയിച്ച് പി.സി വിഷ്ണുനാഥ് എം.എൽ.എ. ‘ലഹരി സംഘങ്ങൾക്കെതിരെ വാര്‍ത്ത വന്നാൽ അതിൽ വിറളി പിടിക്കേണ്ടത് ലഹരി മാഫിയക്കല്ലേ, എന്തിനാണ് എസ്എഫ്ഐക്ക് ഇത്ര പ്രതിഷേധം. സർക്കാരിനെതിരായ ഗൂഢാലോചന എന്നാണ് ഏഷ്യാനെറ്റിനെതിരായ എഫ്.ഐ.ആറിൽ പറയുന്നത്. ലഹരി മാഫിയയ്ക്കെതിരായ വാർത്ത എങ്ങനെ സർക്കാരിനെതിരാകുമെന്നും. ബി.ബി.സിയിൽ നടന്ന റെയ്ഡിന് പിന്നാലെ സി.പി.എം കേന്ദ്ര കമ്മിറ്റി പുറത്തിറക്കിയ പത്രക്കുറിപ്പുണ്ട്. ആ പ്രസ്താവനയിൽ മോദിയെന്ന ഭാഗം ഒഴിവാക്കി …

‘ലഹരി സംഘങ്ങൾക്കെതിരെ വാര്‍ത്ത വന്നാൽ അതിൽ വിറളി പിടിക്കേണ്ടത് ലഹരി മാഫിയക്കല്ലേ, എന്തിനാണ് എസ്.എഫ്.ഐക്ക് ഇത്ര പ്രതിഷേധം’; പി.സി വിഷ്ണുനാഥ് Read More »

കോഴിക്കോട്: ഇ.പി ജയരാജൻറെ പ്രസ്താവനയിൽ പ്രതികരിച്ച് വി.ഡി സതീശൻ. മുഖ്യമന്ത്രിയുടെ കുടുംബത്തെ പ്രതിപക്ഷം വേട്ടയാടുന്നു എന്നാണ് ഇ.പി പറഞ്ഞിരുന്നത്. അതിന് വി.ഡി സതീശന്റെ മറുപടി ഇങ്ങനെ; ‘എവിടെയാണ് പ്രതിപക്ഷം മുഖ്യമന്ത്രിയുടെ കുടുംബത്തെ വേട്ടയാടിയത്? ഇ.പി പറഞ്ഞത് തൻറെ കുടുംബത്തെ വേട്ടയാടുന്ന കാര്യമാണ്. അത് പ്രതിപക്ഷമല്ല സ്വന്തം പാർട്ടിക്കാർ തന്നെയാണ് ഇ.പിയുടെ കുടുംബത്തെ വേട്ടയാടുന്നത്. ചുരുക്കി പറഞ്ഞാൽ അദ്ദേഹം പറഞ്ഞതിൻറെ അർഥം താൻ ഒറ്റയ്ക്കല്ല..പിണറായി വിജയൻറെ കുടുംബവും വിവാദത്തിൽ ഉണ്ടെന്നാണ്. മുഖ്യമന്ത്രിയുടെ കുടുംബം കേരളത്തിൻറെ ഐശ്വര്യമാണെന്ന് ഇ.പി പറഞ്ഞതിലൂടെ …

‘ഇ.പി പറഞ്ഞത് തൻറെ കുടുംബത്തെ വേട്ടയാടുന്ന കാര്യമാണ്, അത് പ്രതിപക്ഷമല്ല സ്വന്തം പാർട്ടിക്കാർ തന്നെയാണ്’; വി.ഡി സതീശൻ Read More »

കൊച്ചി: കേന്ദ്ര മലീനികരണ നിയന്ത്രണ ബോർഡ്, കൊച്ചിയിലെ അന്തരീക്ഷ വായുവിൽ വിഷാംശം കൂടിയതായി റിപ്പോർട്ട് പുറത്തുവിട്ടു. നിലവിൽ ആരോഗ്യമുള്ളവരിൽ പോലും ശ്വാസകോശ സംബന്ധമായ പ്രശ്നങ്ങളുണ്ടാകുന്ന സ്ഥിതിയാണ്. എന്നാൽ അപകടം നടന്നിട്ട് അഞ്ച് ദിവസം പിന്നിട്ടിരിക്കുന്ന ഇന്നും തീ പൂർണമായി അണയ്ക്കാനുള്ള ശ്രമത്തിലാണ് അധികാരികൾ. ഇപ്പോൾ തീ നിയന്ത്രണ വിധേയമായെങ്കിലും മാലിന്യക്കൂമ്പാരത്തിൽ നിന്ന് പുക ഉയരുന്ന സാഹചര്യമാണുള്ളത്. പുക കൊച്ചി കടന്ന് ആലപ്പുഴയിലെ ആലൂരിലേക്കും പടർന്നു.

തൃശ്ശൂർ: മാളയിൽ പ്രവേശിച്ച ജനകീയ പ്രതിരോധ ജാഥ സമ്മേളനത്തിൽ പ്രസം​ഗിക്കുന്നതിനിടെ മൈക്ക് ശരിയാക്കാൻ വന്ന യുവാവിനെ ശകാരിച്ച് സി.പി.എം സംസ്ഥാന സെക്രട്ടറി എം.വി ഗോവിന്ദൻ. യുവാവ് മൈക്ക് ശരിയായി വയ്ക്കാനെത്തിയത്, ഏഷ്യാനെറ്റ് ന്യൂസ് കോഴിക്കോട് ഓഫീസിലെ പെലീസ് പരിശോധനയെപ്പറ്റി പറയുന്നതിനിടെയായിരുന്നു. തുടർ‌ന്ന് മൈക്കിന്റെ അടുത്ത് നിന്ന് സംസാരിക്കാൻ പറഞ്ഞപ്പോഴൈയിരുന്നു യുവാവിനെ അദ്ദേഹം ശകാരിച്ചത്. മൈക്ക് എങ്ങനെ ഉപയോഗിക്കാമെന്ന് അറിയാമെന്നായിരുന്നു എം.വി ഗോവിന്ദന്റെ മറുപടി.

ആലപ്പുഴ: കോൺ​ഗ്രസിനകത്തെ ഭരണ സംവിധാനത്തെക്കിറിച്ച് എം.കെ രാഘവൻ പരാമർശം നടത്തിയതിനെ കുറ്റപ്പെടുത്തി എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. അഭിപ്രായങ്ങൾ പറയേണ്ടത് പാർട്ടിക്കുള്ളിലാണ്. പരസ്യപ്രതികരണം ഗുണംചെയ്യില്ല. രാഘവൻ പ്ലീനറിയിൽ പങ്കെടുത്തയാളാണ്. അവിടെ അഭിപ്രായം പറയണമായിരുന്നു. വിമർശനങ്ങൾ സ്വാഭാവികമാണെന്നും ഉന്നയിക്കുന്നത് പുറത്താവരുതെന്നുമായിരുന്നു ആലപ്പുഴയിൽ സംസാരിക്കുന്നതിനിടെ അദ്ദേഹം കൂട്ടിച്ചേർത്തത്.

തൃശൂർ: ബി.ജെ.പി ത്രിപുരയിലെ തെരഞ്ഞെടുപ്പിന് ശേഷം സി.പി.എമ്മിനും ഇടതുപക്ഷത്തിനുമെതിരെ ആരംഭിച്ച അക്രമവും കൊള്ളിവെയ്‌പും പ്രതിഷേധാർഹമെന്ന് സി.പി.ഐ(എം) സംസ്ഥാന സെക്രട്ടറി എം.വി ഗോവിന്ദൻ. കേരളം ഭരിക്കാമെന്ന ബി.ജെ.പിയുടെ മോഹം നടക്കില്ല. ഔദ്യോഗിക ഫേസ്‌ബുക്ക്‌ പേജിലൂടെ സി.പി.ഐ(എം) നേതാക്കളെ വധിക്കാൻ ബി.ജെ.പി പരസ്യമായി ആഹ്വാനം ചെയ്യുകയാണ്‌. ബി.ജെ.പിയുടെ ഈ കിരാതവാഴ്‌ചക്കെതിരെ എല്ലാ പാർട്ടി ഘടകങ്ങളും ശക്തമായ പ്രതിഷേധം ഉയർത്തുകയും ത്രിപുരയിലെ സഖാക്കൾക്ക്‌ ഐക്യദാർഢ്യം പ്രകടിപ്പിക്കുകയും വേണമെന്നും ജനകീയ പ്രതിരോധ ജാഥയുടെ ഭാഗമായി നടത്തിയ വാർത്താസമ്മേളനത്തിൽ എം.വി ഗോവിന്ദൻ വിശദമാക്കി.

കോഴിക്കോട്: രാജാവ് നഗ്നനാണെന്ന് പറയാൻ ആരും തയ്യാറല്ല, കാരണം അങ്ങനെ പറഞ്ഞാൽ സ്ഥാനമാനങ്ങൾ നഷ്ടപ്പെടുമെന്ന എം.കെ രാഘവൻ എം.പിയുടെ പരാമർശത്തെ ന്യായീകരിച്ച് കെ.മുരളീധരൻ. എം.കെ രാഘവൻ പറഞ്ഞതിൽ തെറ്റില്ല. പാർട്ടി പ്രവർത്തകരുടെ പൊതു വികാരമാണ് അദ്ദേഹം പറഞ്ഞത്. കെ.പി.സി.സി അധ്യക്ഷൻ റിപ്പോർട്ട് ചോദിച്ചതിൽ തെറ്റില്ല. ഡിസിസി പ്രസിഡൻറ് റിപ്പോർട്ടുമായി നടത്തിയ പരസ്യ പ്രതികരണം തെറ്റാണ്. അങ്ങനെ പരസ്യപ്പെടുത്താൻ പാടില്ലായിരുന്നു. ഇന്നലത്തെ പരിപാടിയും പാർട്ടി വേദിയിലായിരുന്നു നടന്നത്. വിവാദമുണ്ടാകാതിരിക്കാനാണ് താൻ മിണ്ടാതിരുന്നതെന്നും അദ്ദേഹം വ്യക്തമാക്കി.

തൃശ്ശൂർ: ഇന്ന് വൈകീട്ട് അഞ്ച് മണിക്ക് തേക്കിൻകാട് മൈതാനത്ത് നടക്കുന്ന ജനകീയ പ്രതിരോധ യാത്രയുടെ പൊതുസമ്മേളനത്തിൽ സി.പി.എം കേന്ദ്ര കമ്മിറ്റി അംഗവും എൽ.ഡി.എഫ് കൺവീനറുമായ ഇ.പി ജയരാജൻ പങ്കെടുക്കും. സി.പി.എം സംസ്ഥാന സെക്രട്ടറി എം.വി ഗോവിന്ദൻ നയിക്കുന്ന ജനകീയ പ്രതിരോധ യാത്ര കഴിഞ്ഞ മാസം 20ന് കാസർകോട് നിന്നായിരുന്നു തുടങ്ങിയത്. സംസ്ഥാന നേതൃത്വവുമായുള്ള ചേർച്ചയില്ലായ്മയെ തുടർന്ന് അന്ന് ഇ.പി റാലിയിൽ പങ്കെടുക്കാത്തത് വിവാദമായിരുന്നു. വിവിധ ജില്ലകൾ സന്ദർശിച്ച ശേഷമാണ് ജാഥ ഇന്ന് തൃശ്ശൂരിലേക്ക് പ്രവേശിച്ചിരിക്കുന്നത്. പരിപാടിയിൽ പങ്കെടുക്കാനായി …

ജനകീയ പ്രതിരോധ യാത്രയിൽ ഇ.പി ജയരാജൻ ഇന്ന് പങ്കെടുക്കും Read More »

തിരുവനന്തപുരം: 2024ലെ തെരഞ്ഞെടുപ്പിൽ കേരളം പിടിക്കുമെന്ന പ്രധാനമന്ത്രി നരേന്ദ്രമോദിയുടെ പ്രസ്താവന അതിരുകവിഞ്ഞ മോഹമാണെന്ന് മുഖ്യമന്ത്രി. കേരളത്തിലും ബിജെപി സർക്കാരുണ്ടാക്കുമെന്നായിരുന്നു മോദി പറഞ്ഞത്. ന്യൂനപക്ഷങ്ങൾ എന്തൊക്കെ പ്രയാസങ്ങളനുഭവിക്കുന്നുണ്ടെന്നും അതിനു കാരണക്കാർ ആരാണെന്നും തീവ്രമായ അനുഭവങ്ങളിലൂടെ ബോധ്യമുള്ളവരാണ് ഈ നാട്ടുകാർ. സംഘപരിവാറിൽ നിന്ന് കൊടിയ പീഡനം നേരിടുന്ന ന്യൂനപക്ഷങ്ങൾക്ക് ബിജെപി അനുകൂല നിലപാടിലെത്താനാവില്ല. ചില താൽക്കാലിക ലാഭങ്ങൾക്കായി ആരെങ്കിലും നടത്തുന്ന നീക്കുപോക്കുകൾ ന്യൂനപക്ഷത്തിൻറെ പൊതുസ്വഭാവമാണെന്ന് കരുതുന്നത് ഭീമാബദ്ധമാണെന്നും അദ്ദേഹം കൂട്ടിച്ചേർത്തു.

തിരുവനന്തപുരം: എം.കെ രാഘവൻറെ കോൺഗ്രസ് നേതൃത്വത്തിനെതിരായ പ്രസംഗത്തിൽ കെ.പി.സി.സി റിപ്പോർട്ട് തേടി. ഉടൻ റിപ്പോർട്ട് നൽകാനാണ് കെ.പി.സി.സി അധ്യക്ഷൻ കോഴിക്കോട് ഡി.സി.സി പ്രസിഡണ്ടിന് നിർദ്ദേശം നൽകിയിരിക്കുന്നത്. പാർട്ടിയിൽ സ്ഥാനമാനങ്ങൾ വേണമെങ്കിൽ മിണ്ടാതെ ഇരിക്കണം. രാജാവ് നഗ്നനാണെന്നു പറയാൻ ആരുമില്ലെന്നും ആയിരുന്നു എം.കെ രാഘവൻ പറഞ്ഞത്. എന്നാൽ എം.കെ രാഘവൻറെ വിമർശനങ്ങളോട് വി.എം സുധീരൻ പ്രതികരിച്ചില്ല.

തിരുവനന്തപുരം: മുഖ്യമന്ത്രി അദ്ധ്യക്ഷനായ യോഗത്തിലാണ്, വടക്കാഞ്ചേരി ലൈഫ് മിഷൻ ഫ്ളാറ്റ് നിർമാണത്തിന് വിദേശ സഹായം കൈപ്പറ്റാൻ തീരുമാനിച്ചതെന്നത് ഗൗരവതരമാണെന്ന് ബി.ജെ.പി സംസ്ഥാന അദ്ധ്യക്ഷൻ കെ.സുരേന്ദ്രൻ. ധാർമ്മികതയുണ്ടെങ്കിൽ പിണറായി വിജയൻ മുഖ്യമന്ത്രി സ്ഥാനം രാജിവെച്ച് അന്വേഷണം നേരിടണം. ഒരിക്കലും ചെയ്യാൻ പാടില്ലാത്ത കാര്യമാണ് മുഖ്യമന്ത്രി ചെയ്തിരിക്കുന്നത്. ലൈഫ്മിഷൻ ചെയർമാൻ കൂടിയായ അദ്ദേഹം അറിയാതെ ഒരു കരാറും ഒപ്പിടില്ലെന്ന് ബിജെപി നേരത്തെ തന്നെ പറഞ്ഞിരുന്നു. ലൈഫ്മിഷൻ തട്ടിപ്പിലെ എല്ലാ രേഖകളും അടിയന്തരമായി വിജിലൻസ് സി.ബി.ഐയെ ഏൽപ്പിക്കണമെന്നും സുരേന്ദ്രൻ ആവശ്യപ്പെട്ടിരിക്കുകയാണഅ.

പത്തനംതിട്ട: റിംഗ് റോഡ് സ്ഥലം ഏറ്റെടുപ്പുമായി ബന്ധപ്പെട്ട ഉടമയ്ക്ക് നഷ്ടപരിഹാരം നൽകാത്തതിനെ തുടർന്ന് ജില്ലാ കളക്ടറുടെതുൾപ്പെടെ അഞ്ചു വാഹനങ്ങൾ ജപ്തി ചെയ്യാൻ തീരുമാനിച്ചിരുന്നു. ഈ നടപടിയാണ് ഹൈക്കോടതി സ്റ്റേ ചെയ്തിരിക്കുന്നത്. പത്തനംതിട്ട സബ് കോടതിയായിരുന്നു വാഹനങ്ങൾ ജപ്തി ചെയ്യാൻ ഉത്തരവിട്ടത്. വാഹനങ്ങളെല്ലാം കളക്ടറേറ്റ് കോമ്പൗണ്ടിൽ നിന്നും ജപ്തി നടപടികൾ തുടങ്ങിയതോടെ മാറ്റിയിരുന്നു. റിങ്ങ് റോഡിന് 2008ൽ സ്ഥലം ഏറ്റടുത്ത വകയിൽ മൂന്ന് സെന്റ് സ്ഥലം നൽകിയ ഒരാൾക്ക് നഷ്ടപരിഹാരവും പലിശയും ചേർത്ത് 38 ലക്ഷം രൂപയാണ് കൊടുക്കേണ്ടത്. …

കളക്ടറുടേത് ഉൾപ്പെടെയുള്ള വാഹനങ്ങൾ ജപ്തി ചെയ്യാനുള്ള നടപടിക്ക് ഹൈക്കോടതി സ്റ്റേ Read More »

തിരുവനന്തപുരം: എം.എൽ.എ മാത്യു കുഴൽ നാടൻ, ലൈഫ് മിഷനെ കുറിച്ചുള്ള അടിയന്തര പ്രമേയ ചർച്ചയിൽ പ്രസംഗം നടത്തിയതിന്റെ ചില ഭാഗങ്ങൾ സഭാ രേഖകളിൽ നിന്ന് നീക്കം ചെയ്തു. ശിവശങ്കറിന്റെ റിമാൻഡ് റിപ്പോർട്ടിൽ മുഖ്യമന്ത്രിയെ കുറിച്ച് പരാമർശമുണ്ടെന്ന ഭാഗവും സ്വപ്ന സുരേഷ് ക്ലിഫ് ഹൗസിൽ വച്ച് മുഖ്യമന്ത്രി പിണറായി വിജയനെ കണ്ടുവെന്ന പരാമർശവുമാണ് സഭാ രേഖകളിൽ നിന്ന് ഒഴിവാക്കിയിരിക്കുന്നത്. രേഖയിൽ നിന്നും റിമാൻഡ് റിപ്പോർട്ട് വായിക്കുന്നതും മാറ്റി. ഈ നടപടി കോടതിയുടെ പരിഗണനയിലുള്ള വിഷയമെന്ന നിലയ്ക്കാണ്.

തിരുവനന്തപുരം: തനിക്കെതിരെ വൈദേകം റിസോര്‍ട്ട് വിവാദത്തില്‍ ഗൂഢാലോചന നടത്തുന്നത് ആരെന്ന് അറിയാമെന്നും സമയമാകുമ്പോള്‍ വെളിപ്പെടുത്തുമെന്നും എൽ.ഡി.എഫ് കണ്‍വീനര്‍ ഇ.പി ജയരാജന്‍. ഗൂഢാലോചന പാര്‍ട്ടിക്കുള്ളിൽ നിന്നെന്ന് പറഞ്ഞിട്ടില്ലെന്നും വൈദേകം റിസോര്‍ട്ടുമായി തനിക്ക് ബന്ധമില്ലെന്നും അദ്ദേഹം വ്യക്തമാക്കി. പരിശോധന നടത്തിയത് ആദായനികുതി വകുപ്പ് ടി.ഡി.എസ് വിഭാഗമാണ്. സിപിഎമ്മിന്‍റെ പ്രതിരോധ ജാഥയിൽ പങ്കെടുക്കില്ലെന്ന് പറഞ്ഞിട്ടില്ല. കേരളം മുഴുവൻ ഒരു പോലെയാണ്. ഏത് ജില്ലയിലും പങ്കെടുക്കാമെന്നും തിരുവനന്തപുരത്ത് മാധ്യമപ്രവര്‍ത്തകരോട് സംസാരിക്കവെ ഇ.പി ജയരാജന്‍ അറിയിച്ചു.

തൃശ്ശൂർ: വടക്കാഞ്ചേരി ലൈഫ് മിഷൻ വിവാദത്തിൽ മുഖ്യമന്ത്രിക്ക് പങ്കുണ്ടെന്നതിന് രേഖകളുമായി മുൻ എം.എൽ‌.എയും കോൺഗ്രസ് നേതാവുമായ അനിൽ അക്കര. അഴിമതിയുമായി ബന്ധമില്ലെന്ന് മുഖ്യമന്ത്രി പറയുന്നത് അടിസ്ഥാനരഹിതമാണ്. വടക്കാഞ്ചേരി ലൈഫ് മിഷൻ ഫ്ളാറ്റ് നിർമാണത്തിന് വിദേശ സഹായം കൈപ്പറ്റാൻ തീരുമാനിച്ചത് മുഖ്യമന്ത്രി അധ്യക്ഷനായ യോഗത്തിലാണെന്നും ആരോപിച്ച അദ്ദേഹം വാർത്താസമ്മേളനത്തിനിടയിൽ അന്ന് യോഗം ചേർന്നതിന്റെ റിപ്പോർട്ടും പുറത്തുവിട്ടു. ലൈഫ് മിഷൻ സി.ഇ.ഒ യു.വി ജോസ്, മുൻ മന്ത്രി എ.സി മൊയ്തീന്റെ പ്രൈവറ്റ് സെക്രട്ടറിയ്ക്ക് നൽകിയ കത്തായിരുന്നു അത്.

തൃശൂർ: പ്രധാനമന്ത്രി നരേന്ദ്രമോദിയുടെ കേരളവും ബി.ജെ.പി നേടുമെന്ന പ്രസ്താവനയിൽ പ്രതികരിച്ച് സംസ്ഥാന അധ്യക്ഷൻ കെ.സുരേന്ദ്രൻ. 2024 ലെ ലോക്സഭാ തെരഞ്ഞെടുപ്പ് കേരളത്തിന്റെ രാഷ്ട്രീയ ദിശ മാറ്റും. നിയമസഭാ തെരഞ്ഞെടുപ്പിനുള്ള ചൂണ്ടു പലകയാകും ലോക്സഭാ തെരഞ്ഞെടുപ്പ്. പ്രധാനമന്ത്രിയുടെ പ്രസ്താവന കേരളത്തിലെ ബി.ജെ.പിക്ക് കരുത്തുപകരും. ഭാരിച്ച ഉത്തരവാദിത്തമാണ് ഏൽപിച്ചത്. കേരളത്തിലും ഡബിൾ എഞ്ചിൻ സർക്കാർ വരുമെന്നും സുരേന്ദ്രൻ കൂട്ടിച്ചേർത്തു.